fbpx

ملک میں بڑھتی ہوئی مہنگائی اور بے روز گاری نے عوام کی کمر توڑ دی ہے : سعید احمد بیگ

کراچی : پاک امن ویلفیئر ایسوسی ایشن کے چیئرمین سعید احمدبیگ نے کہاہے کہ ملک میں بڑھتی ہوئی مہنگائی اور بے روزگاری نے عام آدمی کی کمر ہی توڑ دی ہے ایسے میں مخیر ادارے دل کھول کر غریب اور مستحق خاندانوں کی مددکررہے ہیں،پاک امن ویلفیئر نے اپنی روایت کوقائم رکھتے ہوئے اب تک بلاامتیازوتفریق رنگ ونسل تقریباً دس ہزار خاندانوں میں راشن تقسیم کردیاہے،آئندہ بھی یہ سلسلہ جاری رکھیں گے۔

ان خیالات کا اظہار انہوں نے پاک امن سیکریٹریٹ پر سالانہ امدادی راشن کی تقسیم کے موقع پر خطاب کرتے ہوئے کیا۔انہوں نے کہاکہ اللہ کابے انتہا شکر ہے کہ خدمت خلق کا سلسلہ جاری ہے، اللہ کے بندوں کی خدمت عبادت سمجھ کر کررہے ہیں،انہوں نے کہاکہ بڑی تعدادمیں بندگان خداکو کھانے کا سامان فراہم کردیا ہے جبکہ نقد مالی امدادکابھی سلسلہ جاری ہے۔امدادی راشن کی تقسیم کے موقع پر شرکاء سے خطاب کرتے ہوئے سعید احمدبیگ کا کہناتھاکہ بائیس سالوں سے اپنی مددآپ کے تحت عوام الناس کی خدمت کا سلسلہ جاری ہے،غریبوں، ضرورتمندوں اور محتاجوں میں امدادی راشن سمیت نقد رقم سے بھی مدد کرتے ہیں جبکہ غریب بچیوں کی شادی کے لئے جہیز کاسامان،کفن دفن اور علاج معالجہ کے ساتھ ساتھ غریب بچوں کے تعلیمی اخراجات بھی پاک امن ویلفیئر کی جانب سے اداکئے جارہے ہیں جبکہ علاقے میں ایک بڑے ہسپتال اور اسکول کا قیام بھی ہمارے پروگرام میں شامل ہے۔انہوں نے کہاکہ اللہ کی راہ میں دیاہوامال دنیامیں رزق میں برکت اور آخرت میں بے پناہ جروثواب کا باعث بنتاہے، معاشرے کے تمام افراد کی ذمہ داری ہے کہ وہ غریب،مسکین،محتاج،تنگدست اور پریشان حال لوگوں کی مددکریں، بیماروں کے علاج معالجے،یتیم بچیوں کی شادی،غریب بچوں کی تعلیم اور مقروضوں پر اپنے مال کو خرچ کیاجائے۔پاک امن ویلفیئر کی جانب سے مستحق خاندانوں میں آئندہ بھی راشن تقسیم کیاجائے گا، غریبوں ضرورتمندوں اور محتاجوں کی مددومعاونت اور حاجت روائی ودلجوئی کرنا دین اسلام کابنیادی درس ہے اوریہ اللہ کا کرم ہے کہ اس کام کے لئے جس کو منتخب کرے۔اللہ تعالیٰ کا بے حد شکرگزارہوں اس نے غریبوں اور ضرورتمندوں کی مدد کے لئے مجھے منتخب کیا،ان شاء اللہ ہر ممکنہ کوشش کرتارہوں گا کہ اللہ کے دیئے ہوئے مال میں سے اللہ کے بندوں کی معاونت کرتارہوں۔