fbpx

ملک وقوم کے لیے گراں قدر خدمات انجام دینے والے لوگ مر کر بھی زندہ رہتے ہیں

ملک وقوم کے لیے گراں قدر خدمات انجام دینے والے مر کر بھی زندہ رہتے ہیں۔ان خیالات کا اظہار پاکستان انسٹیٹیوٹ آف ہاکی کے زیرِ اہتمام اولمپئین قاضی مسرت حسین،اولمپئین جہانگیر بٹ،ماہر شماریات اور مورخ مظہر جبلپوری اور ماہر تعلیم اور کھیلوں کے تجزیہ نگار پروفیسر عبد الکریم مغل کے لیے منعقدہ تعزیتی اجلاس سے مقررین نے خطاب کرتے ہوئے کیا۔
انھوں نے کہا کہ اولمپئین قاضی مسرت حسین بائیں ہاتھ سے کھیلنے والے بہت شاندار کھلاڑی تھے جنھوں نے اپنی محنت اور لگن سے پاکستان ہاکی ٹیم کو دنیا کی بہترین ٹیموں کی صف میں لاکھڑا کیا۔لیکن بدقسمتی سے گھٹنے کی چوٹ نے انھیں روم اولمپک 1960میں سلیکشن سے محروم رکھا۔
۔اولمپئین جہانگیر بٹ نے بطور کھلاڑی اپنے شاندار کھیل کی بدولت اپنی شناخت بنائی بلکہ یہ واحد کھلاڑی تھیجو گولکیپر کے علاوہ ہر پوزیشن پر بہت عمدہ کھیلے۔

کوچنگ کے شعبے میں بھی کامیابیاں سمیٹیں جونئیر اور سینئر ہاکی ٹیموں کو وکٹری اسٹینڈ تک پہنچایا۔بہت ملنسار اور خوش مزاج انسان تھے۔ماہر شماریات اور مرخ مظہر جبلپوری ہاکی کی دنیا کے وہ خاموش مجاہد تھے جن کی بدولت پاکستان ہاکی کے کارنامے اور مستند ریکارڈ آنے والی نسلوں کے لیے محفوظ ہوا۔مظہر جبلپوری نے ہاکی کی تاریخ اور ریکارڈ کو ماضی کے دھندلکے میں غائب ہونے سے بچایا۔
ہاکی زبان میں ہاکی پر 17کتابوں کی تخلیق بذات خود بہت بڑا کارنامہ ہے۔پروفیسر عبد الکریم مغل نے جسمانی صحت و تعلیم کے شعبے میں نمایاں کام کیا۔کئی کتابچے تصنیف کیے۔ہاکی سمیت مختلف کھیلوں کی ترقی وترویج کے لیے قواعد و ضوابط ترتیب دیے۔انھیں سہ ماہی ہاکی جرنل کراچی کے پہلے ایڈیٹر ہونے کا اعزاز بھی حاصل ہے۔انھوں نے بحیثیت پرنسپل گورنمنٹ ہیلتھ اینڈ فزیکل ایجوکیشن کالج کراچی کو منظم کیا اور اسے شہر کے بہترین اداروں میں شمار کروایا۔
پاکستان انسٹیٹیوٹ آف ہاکی ان اکابرین کے تذکرے سے نہ صرف انھیں خراج عقیدت پیش کررہی ہے بلکہ نوجوان نسل تک ان کے کارنامے پہنچا کر بہت بڑی خدمت سر انجام دے رہا ہے۔تعزیتی اجلاس سے کراچی ہاکی ایسوسی ایشن کے چیئرمین گلفراز احمد خان،اسپورٹس جرنلسٹ آف سندھ کے سیکریٹری اصغر عظیم،فیڈرل بی ایریا ریزیڈنس فورم کے جنرل سیکریٹری سید باصر زیدی،اولمپئین قاضی مسرت حسین کے صاحبزادے ہمایوں مسرت،مظہر جبلپوری کے صاحبزادے طارق جبلپوری،پروفیسر عبد الکریم مغل کے صاحبزادے سلمان کریم مغل،ڈائریکٹر اسپورٹس فضائیہ کالج ملیر کینٹ سید عباد اسد،پاکستان انسٹیٹیوٹ آف ہاکی کے چیئرمین رانا مشتاق احمد،صدر زاہد شہاب اور جوائنٹ سیکریٹری سید امتیاز الحسن نے بھی خطاب کیا۔
بعد ازاں مرحومین کے لیے دعائے مغفرت کروائی ۔

Facebook Notice for EU! You need to login to view and post FB Comments!