ملکی ترقی کیلئے زراعت کی ترقی ضروری، جہانگیر ترین

تحریک انصاف کے رہنما جہانگیر ترین نے کہا ہے کہ جب تک زراعت کی ترقی کیلئے کام نہیں ہوگا، ملک ترقی نہیں کرے گا.

باغی ٹی وی کی رپورٹ کے مطابق جہانگیر ترین نے وفاقی وزیر زراعت محبوب سلطان کے ہمراہ پریس کانفرنس سے خطاب کرتے ہوئے کہا کہ گزشتہ10سال سےزراعت پرتوجہ نہیں دی گئی،زراعت پرپیسے خرچ کئے بغیرآگے نہیں بڑھ سکتے .

جہانگیر ترین کا مزید کہنا تھا کہ زراعت کےشعبہ کی پیداواربڑھانے کاپلان ہے،زرعات کی ترقی کے لئے ورکنگ گروپ بنائے گئے ہیں. ہم نےمنصوبےکوزراعت گروتھ ایمرجنسی کانام دیا ہے ، جہانگیر ترین کا مزید کہنا تھا کہ زراعت کے 13 منصوبوں پر کام جاری ہے، حکومت زراعت کی ترقی کے لئے جو منصوبے لائی اس سے مثبت تبدیلی آئے گی، زرعی ایمرجنسی پروگرام 309 ارب روپے مالیت کا ہے، گزشتہ سال 4 ارب کی زرعی مصنوعات درآمد کی.

جہانگیر ترین نے مزید کہا کہ زراعت کے ساتھ کاشتکارکا بھی براحال ہوگیا،کاشتکار کے لئے منافع کمانا ختم اورگھروں کے چولہے بجھا دئیے گئے،وفاقی حکومت15سے18ارب سندھ کو دینےکے لئے تیارہے، بارانی علاقوں میں ڈیم بنائیں گے.
سندھ حکومت بھی ملکی ترقی کےلئےکام رکھے