ڈیرہ غازیخان (باغی ٹی وی )ملتان سے ڈی جی خان آنے والی فیصل موورز وین، ٹرک اور کار میں تصادم ہوگیا۔ حادثہ ملتان کے علاقے ناگ شاہ چوک کے قریب پیش آیا، جس میں پانچ افراد موقع پر جاں بحق ہوگئے جبکہ آٹھ زخمی ہو گئے۔
ریسکیو کنٹرول روم کو حسن سوالی PSO پٹرول پمپ کے قریب حادثے کی اطلاع موصول ہوتے ہی قریبی اسٹیشن سے امدادی ٹیمیں روانہ کی گئیں۔ موقع پر پہنچ کر ریسکیو اہلکاروں نے زخمیوں کو فوری طبی امداد فراہم کی اور جاں بحق افراد کی لاشوں کو نشتر اسپتال منتقل کر دیا۔
جاں بحق ہونے والے افراد میں: 1. احمد کمال ولد وجاہت حسین، عمر 30 سال ،2. زاہد صدیقی ولد عبدالغفور، عمر 58 سال ،3. نامعلوم مرد، عمر 50 سال ،4. حسیب اللہ ولد نامعلوم، عمر 40 سال (فیصل موورز کا ڈرائیور) ،5. نامعلوم شخص، عمر 45 سال ،6. عادل ولد محمد اسلم، عمر 21 سال شامل ہیں
جبکہ زخمی ہونے والے افراد میں 1. اسامہ اشرف ولد اشرف، عمر 28 سال ،2. صویرہ اسامہ زوجہ اسامہ، عمر 25 سال ،3. جمال خان ولد قمر خان، عمر 40 سال ،4. سکندر جمال ولد جمال خان، عمر 12 سال شامل ہیں
موقع پر طبی امداد حاصل کرنے والے زخمی افراد 1. ایمل خان ولد ہشام، عمر 28 سال ،2. ضیا ولد رحیم بخش، عمر 23 سال ،3. عرفان ولد زبیر، عمر 30 سال شامل ہیں
حادثے کے بعد جائے وقوعہ سے متاثرہ گاڑیوں کو ہٹا کر ٹریفک بحال کر دی گئی۔
