fbpx

ملتان کے بعد بہاولپورمیں بھی جنوبی پنجاب سیکرٹریٹ کا بنایا جائے گا، عثمان بزدار

وزیراعلیٰ پنجاب سردارعثمان بزدار نے کہا ہے کہ ترقی جنوبی پنجاب کے عوام کا پورا حق ہے، تحریک انصاف کی حکومت نے جنوبی پنجاب کے عوام کو ان یہ بنیادی حق واپس کیا ہے، ماضی کی حکومتوں نے جنوبی پنجاب کے عوام کو صرف کھوکھلے نعروں سے بہلایا ہے، سابق حکمرانوں نے جنوبی پنجاب کیلئے مختص وسائل کو من پسند منصوبوں کیلئے استعمال کیا ہے، ماضی میں جنوبی پنجاب کے بجٹ پرکٹ لگا کرفنڈز کو دوسرے منصوبوں پرخرچ کیا گیا ہے، تحریک انصاف کی حکومت نے جنوبی پنجاب کے عوام کی ترقی وخوشحالی کیلئےعلیحدہ بجٹ مختص کیا ہے، رواں مالی سال میں جنوبی پنجاب کیلئے 189ارب روپے کے فنڈز رکھے گئے ہیں، جنوبی پنجاب کیلئے مختص 35 فیصد بجٹ کی رنگ فینسنگ کی گئی ہے، پہلی بارجنوبی پنجاب کے ترقیاتی پروگرام کے حوالے سے علیحدہ بک مرتب کی گئی ہے، ملتان کے بعد بہاولپورمیں بھی جلد جنوبی پنجاب سیکرٹریٹ کا سنگ بنیاد رکھا جائے گا۔

جنوبی پنجاب سیکرٹریٹ کے رولز آف بزنس فائنل ہو چکے ہیں، انہیں جلد نوٹیفائی کر دیا جائے گا، جنوبی پنجاب کے نوجوانوں کے لئے صوبائی ملازمتوں میں 32%کوٹہ مختص کرنے کا اصولی فیصلہ کیا ہے، میانوالی اور بھکرکوجنوبی پنجاب کے اس کوٹے میں شامل کرنے کی تجویز زیرغور ہے اور ان دو شہروں کے شامل ہونے سے کوٹہ 35 فیصد ہو جائے گا، پنجاب کی تاریخ میں پہلی بارجنوبی پنجاب کے عوام کی ترجیحات کو مدنظر رکھ کر ترقیاتی منصوبوں پر کام شروع کیا گیا ہے، جنوبی پنجاب سے تحریک انصاف انصاف کی کمٹمنٹ کو پورا کرنے کیلئے آخری حد تک جائیں گے.