بالی وڈ کی متنازع اداکارہ کنگنا رناوت مبئی پولیس پر بھی برس پڑیں کہا کہ ممبئی میں غنڈہ راج جاری ہے-

باغی ٹی وی : بھارتی میڈیا کی رپورٹ کے مطابق کنگنا نے ہریانہ کے ایک یوٹیوبر ساحل چوہدری کی گرفتاری پر ردعمل دیتے ہوئے کہا کہ مہاراشٹرا میں ایک نااہل شخص وزیراعلیٰ ہے جبکہ ممبئی میں غنڈہ راج جاری ہے ۔

ساحل چوہدری کی گرفتاری پر انھوں سماجی رابطے کی ویب سائٹ پر اپنے بیان میں کہا کہ یہ ممبئی میں کس طرح کا غنڈا راج جاری ہے؟

ساتھ ہی اداکارہ نے مہاراشٹرا کے وزیراعلیٰ ادھو ٹھاکرے کو نااہل قرار دیتے ہوئے کہا کہ کوئی بھی ان سے یا ان کی حکومت سے سوال نہیں کر سکتا۔

کنگنا نے سوال اٹھایا کہ یہ لوگ ہمارے ساتھ کیا کریں گے؟ کیا یہ ہمارے گھر توڑیں گے اور ہمیں قتل کریں گے؟

Somebody random files a FIR against Saahil for questioning Maha Government’s work which is his democratic right and Shaahil is jailed immediately but #PayalGhosh has filed a FIR against #AnuragKashyap many days ago for rape but he is roaming free. Kya hai yeh sab @INCIndia ? https://t.co/B2S7VhlQDB

— Kangana Ranaut (@KanganaTeam) September 29, 2020

انہوں نے سوال کیا کہ ان سب چیزوں کے لیے کون جواب دہ ہے؟‘ جبکہ ساتھ میں انھوں نے اپوزیشن جماعت انڈین نیشنل کانگرس کو ٹیگ کیا۔

اداکارہ نے اپنے پیغام میں ’میں ساحل کے ساتھ ہوں‘ کا ہیش ٹیگ بھی استعمال کیا۔

کنگنا نے اپنی ایک اور ٹویٹ میں سوال اٹھایا کہ مہاراشٹرا حکومت کے کاموں پر سوال پوچھنے پر ایک متفرق ایف آئی آر درج ہوئی جو ان کا جمہوری حق بھی تھا اور ساحل کو گرفتار کرکے جیل بھیج دیا گیا جبکہ پائل نے انوراگ کے خلاف بھی ایف آئی آر درج کروائی لیکن انوراگ آزاد گھوم رہے ہیں یہ سب کیا ہے؟

واضح رہے کہ اداکارہ پائل گھوش نے ہدایت کار انوراگ کیشپ پر جنسی ہراسانی کا الزام عائد کیا تھا اور ہدایت کار کے خلاف ایف آئی آر بھی درج کروائی گئی تھی تاہم اپنی درخواست پر عمل ہوتا نہ دیکھ پائل نے بھوک ہڑتال پر جانے کا اعلان کردیا ہے۔

واضح رہے کہ گزشتہ چند ہفتوں سے شیو سینا اور کنگنا رناوت کے درمیان لفظی جنگ جاری ہے اور اسی دوران ہی ممبئی کی میونسپل کارپوریشن نے کنگنا کے گھر کو مسمار کردیا تھا۔

اس حوالے سے کنگنا رناوت نے بیان دیتے ہوئے مہاراشٹرا کے وزیراعلیٰ اور شیو سینا کے سربراہ ادھو ٹھاکرے کو مخاطب کرتے ہوئے کہا تھا کہ جس طرح میرا گھر ٹوٹا اسی طرح تمھاری انا بھی ٹوٹے گی یہ وقت کا پہیہ ہے اور وقت ہمیشہ ایک جیسا نہیں رہتا۔

کنگنا رناوت نے ساتھ ہی یہ بھی کہا تھا کہ مجھے لگتا ہے کہ میرا گھر توڑ کر تم نے مجھ پر بڑا احسان کیا ہے، مجھے پتا تھا کشمیری پنڈتوں پر کیا بیتی ہوگی، آج میں نے وہ محسوس کیا ہےان کا کہنا تھا کہ آج میں وعدہ کرتی ہوں کہ میں صرف ایودھیا پر ہی نہیں کشمیر پر بھی ایک فلم بناؤں گی، ملک کے لوگوں کو آگاہی فراہم کروں گی مجھے معلوم تھا میرے ساتھ ایسا تو ہوگا۔ ساتھ میں انھوں نے یہ بھی کہا تھا کہ وہ ادھو ٹھاکرے اور اس فلم ساز کرن جوہر کو بے نقاب کریں گی۔

کنگنا رناوت کو ادھو ٹھاکرے کے خلاف آواز بلند کرنا مہنگی پڑ گئی

فیروز خان کی بھارتی اداکارہ کنگنا رناوت کو پاکستان میں چائے کی دعوت

عامر خان کی ترک خاتون اول کے ساتھ ملاقات پر کنگنا رناوت کی اداکار کے سیکولرازم پر…

پاکستانی فنکاروں نے پاکستان مخالف بیان پرکنگنا رناوت کو آئینہ دکھا دیا

کنگنا رناوت اگر پاکستان مخالف بیان دینا چھوڑ دیں تو بالی وڈ میں کہیں نظر ہی نہ آئیں

کنگنا رناوت نے ایودھیا اور کشمیر پر فلم بنانے کا اعلان کردیا

میرا مکان توڑنے والے پاکستانی ہیں، کنگنا رناوت نے بھونڈا الزام لگا دیا