پشاور: تھانہ خزانہ کی حدود میں مقامی افراد نے اپنی ہی عدالت لگا کر3 مبینہ چوروں کو پکڑ کر الٹا لٹکا دیا گیا۔
باغی ٹی وی : تفصیلات کے مطابق مقامی افراد نے گھر میں گھس کر مبینہ طو ر پر گائے چرانے کی کوشش کرنیوالے تین افراد کو الٹا لٹکا دیا، واقعہ کی ویڈیو وائرل ہونے پر تشدد میں ملوث 3 ملزمان کو گرفتار کرکے مقدمہ درج کر لیا گیا ہے۔
مرپورٹس کے مطابق رات کی تاریکی میں تین افراد گھر میں داخل ہوئے جن میں ساجد، اشفاق، عامر شامل تھے اور وہ ہند کو دامان کے رہائشی تھے ، ان کے پاس کلاشنکوف اور پستول تھی، گھر سے گائے چرانا چاہتے تھے لیکن اہلخانہ کے جاگ جانے کی وجہ سے یہ کوشش ناکام ہوگئی اور تینوں مبینہ چوروں کو پکڑ لیا اورسزا کے طور پرالٹا لٹکا دیا ۔
آئی جی خیبر پختونخوا پولیس معظم جاء انصاری نے واقعے کا نوٹس لیتے ہوئے سی سی پی او پشاور سے رپورٹ طلب کر لی۔
آئی جی پولیس معظم جاء انصاری کا کہنا تھا کہ کسی کو بھی قانون ہاتھ میں لینے کی اجازت نہیں ہے، غیر انسانی فعل ناقابل برداشت ہے اور جو بھی ملوث ہوا اسے قانون کے مطابق سزا دی جائے گی-
پاکستانی طالبان کو افغان طالبان کی بات ماننا ہوگی چاہے اچھی لگے یا بُری ذبیح…
Leave a reply
