وزیر اعلیٰ‌سندھ کے عمران خان پر جوابی حملے بنی گالہ بھی تنقید کی زد میں

کراچی :سابق صدر آصف علی زرداری کے قریبی ساتھی وزیر اعلیٰ سندھ وزیر اعظم پاکستان عمران خان پر کھل کر تنقید کرنے لگے .وزیر اعلیٰ سندھ سید مراد علی شاہ نے عمران خان کے ساتھ ساتھ بنی گالہ پر تنقیدی تیر برسائے اور کہا کہ سابق چیف جسٹس کہ چکے ہیں کہ عمران خان کی رہائش بنی گالہ غیر قانوںی ہے.یہ کیسا عجیب انصاف ہے کہ اس ملک کے غریبوں کے گھر توگرادیئے گئے لیکن بنی گالہ کا تو جرمانہ بھی نہیں دیا.

وزیر اعلیٰ سندھ نے عمران خان کے ساتھ ساتھ ایم کیو ایم پر بھی تنقید کی اور یہاں تک کہ دیا کہ ایم کیو ایم تو وزارت لینے کے لیے بارگیننگ کررہی ہے. ایم کیوایم کو تو چاہیے تھا کہ وہ بارگیننگ کراچی کے لیے کرتے .یاد رہے کہ سابق صدر آصف علی زرداری کی گرفتاری کے بعد پیپلز پارٹی کے ارکان مسلسل عمران خان کی حکومت پر تنقید کرکے اس پر دباو بڑھانے کی کوشش کررہے ہیں.ویسے بھی یہ خبریں آرہی ہیں کہ ہو سکتا ہے کہ آنے والے دنوں میں نیب مراد علی شاہ کو بھی گرفتار کرنے والی ہے.