لاہور ہائیکورٹ میں تحریک انصاف کے رہنما اور سابق وفاقی وزیر مراد سعید کی حفاظتی ضمانت کی درخواست سماعت کیلئے مقرر کر دی گئی،
جسٹس انوار الحق پنوں پی ٹی آئی رہنما مراد سعید کی درخواست پر سماعت کرینگے ،مراد سعید نے حفاظتی ضمانت اور زیر تفتیش تمام کیسز کی تفصیلات فراہم کرنے کی استدعا کی،مراد سعید نے تحریک انصاف کے تمام رہنماؤں کے کیسز کی تفصیلات کی فراہمی اور گرفتاری سے روکنے کی استدعا بھی کی ہے مراد سعید کی درخواست میں وفاقی حکومت، آئی جی پنجاب، سندھ، بلوچستان اور خیبر پختونخوا کو فریق بنایا گیا ہے مراد سعید نے ڈی جی ایف آئی اے اور چیرمین نیب کو بھی فریق بنایا ہے
مراد سعید کی درخواست میں کہا گیا ہے کہ وفاقی اور صوبائی حکومتیں تحریک انصاف کے رہنماؤں کے خلاف مسلسل مقدمات کا اندراج کررہی ہیں، درخواست گزار اور تحریک انصاف کے رہنماوں کو سیاسی انتقام کا نشانہ بنایا جا رہا ہے، درخواست گزار اور تحریک انصاف کے رہنماوں کے خلاف کارروائیاں آئین و قانون کے خلاف ہیں، متعلقہ حکام کو ملک بھر میں درج مقدمات کی تفصیلات فراہم کرنے کیلئے درخواستیں دی سرکاری حکام کی جانب سے درج مقدمات کی تفصیلات فراہم نہیں کی جا رہی ،عدالت تمام نامعلوم درج مقدمات میں حفاظتی ضمانت منظور کرے عدالت ملک بھر میں درج مقدمات کی تفصیلات فراہم کرنے کا حکم دے
اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم
کیسوں کی تفصیلات آنے تک مراد سعید کی گرفتاری سے روکنے کا حکم
