چور مچائے شور،چورجیل جائیں گے ،پاکستان مستحکم ہوگا،مراد سعید

0
35

اسلام آباد:کرپشن میں سزا یافتہ سابق وزیر اعظم میاں نواز شریف کی بیٹی کی طرف سے پاکستان کے ذمہ دار اداروں پر لگائے جانے والے الزمات کے بعد سخت ردعمل آنا شروع ہو گیا ہے .ایسا ہی ایک ردعمل پاکستان تحریک انصاف کے نوجوان رہنما مراد سعید کی طرف سے آیا ہے جس میں انہوں نے مریم نواز سمیت ان تمام کرپٹ لوگوں کو مخاطب کرتے ہوئے کہا کہ وہ یہ بات ذہن نشین کر لیں کہ اب پاکستان نے مستحکم ہونا ہے جس کے لیے اس پاکستان کو چوروں اور کرپٹ لوگوں سے نجات دلانا ضروری ہے

مراد سعید نے مریم نواز کے الزامات کاجواب دیتے ہوئے کہا کہ وہ یاد رکھیں کہ چورہر صورت جیل جائیں گے،جمہوریت مستحکم ہوگی اورپاکستان آگےبڑھےگا .مراد سعید نےکہا کہ ادارےپوری آزادی سےاپناکام جاری رکھیں گے .انہوں نے کہا کہ آل شریف کی سیاہ کاریوں کامحاسبہ کسی تعطل کےبغیرجاری رہےگا.جھوٹ،بہتان،جعل سازی اورشرارتوں کی سیاست کادورتمام ہوا.نئی نسل اورنوجوان آل شریف کےحقیقی چہروں اوروارداتوں سےآگاہ ہیں

مراد سعید نے مریم نواز کو مخاطب ہوتے ہوئے کہا کہ سزا یافتہ وزیر اعظم نے اپنی صفائی پیش کرنےکےبجائےعدالتوں اوراداروں پرحملوں کاسہارالیاگیا .جعلی قطری خطوط،کیلبری فونٹ کےسواایک کاغذکاٹکڑااس خاندان نےپیش نہیں کیا.جتنےثبوت اس ٹبرنےپیش کئےوہ جھوٹے،جعلی اورشریف فاؤنڈری میں تیارشدہ ہیں.مراد سعید نے کہا کہ اگر ان کےپاس’’غیبی امداد‘‘پہنچی تومیڈیاپرچلانےکےبجائےچیف جسٹس سےرجوع کرتیں .کیلبری کوئین نےایک مرتبہ پھرقوم کاوقت ضائع کرنےکی کوشش کی

Leave a reply