تلہ گنگ: ایک سال قبل قتل ہونے والی خاتون کے قاتل کو سزائے موت کا حکم،سیشن جج نے فیصلہ سنادیا

court

باغی ٹی وی :تلہ گنگ (نامہ نگار) ایڈیشنل ڈسٹرکٹ اینڈ سیشن جج تلہ گنگ رضا اللّٰہ خان نے تھانہ لاوہ کے مقدمہ نمبر 132/21 میں ملزم ظفر اللّٰہ خان ولد غلام رسول ساکن ڈھوک پھکرڈی داخلی ڈھرنال کو سزائے موت اور تین لاکھ روپے کا حکم سنایا۔ جبکہ دوسرے ملزم غلام رسول ولد شیر باز ساکن ڈھوک پھکرڈی کو 10سال قید اور تین لاکھ جرمانے کا حکم سنایا۔ عدم ادائیگی پر دونوں ملزمان کو مزید چھ ماہ قید کاٹنا ہو گی۔ ایڈیشنل ڈسٹرکٹ اینڈ سیشن جج تلہ گنگ رضا اللّٰہ خان نے مسمات سحر بی بی زوجہ ظفر اللّٰہ کو قتل کرنے پر ایک سال کے اندر ایک مختصر مدت میں فیصلہ سنایا، یاد رہے ملزم ظفر اللّٰہ نے اپنی بیوی سحر کو 30 اکتوبر 2021 کو اپنے والد غلام رسول کے ساتھ ملکر گلا دبا کر قتل کر دیا تھا۔

Leave a reply