fbpx

مری سانحہ،مذہبی جماعتیں ریسکیو ،رفاہی کام میں متحرک، ووٹ لینے والی جماعتیں غائب

مری سانحہ،مذہبی جماعتیں ریسکیو ،رفاہی کام میں متحرک، ووٹ لینے والی جماعتیں غائب

پاک فوج کے جوان مری میں پھنسے سیاحوں کی مدد کے لیے مصروف ہیں، مری میں برف باری سے خوفناک صورتحال میں فوجی دستے سول انتظامیہ کی امدادمیں مصروف ہیں۔ ڈی جی آئی ایس پی آر کے مطابق آرمی انجینئرز کے دستوں نے گھڑیال کے مقام پر جھیکا گلی سڑک کھول دی ہے جوان کلڈنہ روڈ کھولنے میں مصروف ہیں۔

ڈی جی آئی ایس پی آر کے مطابق مری ڈویژن کے دستے ٹریفک میں پھنسے افراد کو نکالنے میں مصروف ہیں مرکزی شاہراہو ں کو کھولنے کے لیے آرمی انجینئرز بھی پہنچ گئے، لوگوں کو کھانا،پانی، چائے و دیگر ضروری سامان فراہم کیا جا رہا ہے لوگوں کومحفوظ شیلٹر فراہم کیا گیاہے ایف ڈبلیو او کے جوان مشینری کے ساتھ روڈ کھولنے میں مصروف ہیں

ڈی جی آئی ایس پی آر کے مطابق ایف ڈبلیو او کے جوانوں اور آرمی انجینئرز نے مری ایکسپریس کا راستہ کھول دیا ہے، پاک فوج نے ملٹری کالج مری، جھینگا گلی، اے پی ایس کلڈانہ، سٹیشن سپلائی ڈپو سنی بنک میں 4 کیمپ قائم کیے ہیں۔

ڈی جی آئی ایس پی آر کے مطابق مری ڈویژن میں کنٹرول ڈویژن قائم کر دیا گیا ہے۔ اے پی ایس اور آرمی سکول آف لاجسٹک کلڈانہ میں ریسکیو مراکز قائم کیے گئے ہیں۔ لوگوں کو پکا ہوا کھانا،فراہم کیا جا رہا ہے۔ تمام کیمپوں میں سردی سے بچاؤ کا انتظام کیا گیا ہے۔ بھاری مشینری، آرمی انجینئرز ڈویژن اور ایف ڈبلیواو کے نوجوان متاثرین کی مدد کے لیے بغیر کسی وقفے کے کام کر رہے ہیں۔ پاک فوج کے دستے میدان میں ہیں، جہاں مشینری نہیں پہنچ سکتی وہاں پاک فوج کے جوان امدادی سرگرمیاں سر انجام دے رہے ہیں اور وہ سڑکیں کھول رہے ہیں برفباری میں پھنسی گاڑیاں نکال رہے ہیں

پاک فوج کے علاوہ مری میں جماعت اسلامی کی الخدمت فاؤنڈیشن، دعوت اسلامی، تحریک لبیک، منہاج ویلفیئر فاؤنڈیشن سمیت دیگر این جی اوز امدادی کام کر رہی ہیں ، کسی بھی سیاسی جماعت کی جانب سے مری میں کوئی بھی رفاہی و ریسکیو یا امدادی کام نظر نہیں آیا، مذہبی جماعتیں خدمت خلق کے میدان میں آگے ہیں اور عملی طور پر مری میں کام کر رہی ہیں

جماعت اسلامی نے مری میں ریسکیوسینٹر قائم کردیا دختران اسلام اکیڈمی مری کی بلڈنگ میں قائم ہنگامی ریسکیو سینٹر میں کھانا، ہیٹرز، رہائش کا ہر ممکن بندوبست ہوگا مختلف علاقوں میں ٹیم لیڈرز کی ریسکیو/ریلیف کی ذمہ داری لگا دی گئی۔ ان علاقوں میں پھنسے لوگ ان سے رابطہ کر سکتے ہیں

امیر تحریک لبیک پاکستان علامہ حافظ سعد حسین رضوی نے مری میں سرد موسم سے سیاحوں کے جاں بحق ہونے پر اظہار افسوس کیا، حافظ سعد رضوی نے مری میں جاں بحق ہونے والے سیاحوں کے لواحقین سے اظہار تعزیت کیا اور کہا کہ حکومت مری میں پھنسے لوگوں کے لیے ریسکیو کاروائیوں کو تیز کرے

اقرارالحسن نے ٹویٹ کرتے ہوئے کہا کہ مری میں شدید برف باری کے باعث گاڑیوں میں ٹھٹھر کر جاں بحق ہو جانے والی فیملیز اور بالخصوص بچوں کی ویڈیوز دل دہلا دینے والی ہیں۔۔۔ سوچیں آخری وقت تک زندگی کی اُمید لئے یہ ماں باپ اور بچے کیسے ایک دوسرے کے سامنے دم توڑ رہے ہوں گے۔ پاک پروردگار رحم فرما۔

ایک صارف کا کہنا تھا کہ منہاج ویلفیئر فاؤنڈیشن مری کی تنظیم کو سلام عقیدت پیش کرتے ہیں جنہوں نے مشکل حالات میں سیاحوں کی مدد کی۔ اور اپنے اسلامک سنٹرز لوگوں کے لئے کھول دیئے۔

ایک صارف کا کہنا تھا کہ امیر جماعت اسلامی سراج الحق صاحب کی کال پر مری میں فوری لبیک ، کارکنان جماعت اسلامی ، الخدمت فاونڈیشن شاباش ۔مشکل کی ہر گھڑی میں عوام کی خدمت کے لیے سب سے آگے۔ الحمد اللہ

دعوت اسلامی بھی مری میں امدادی سرگرمیوں میں متحرک ہو چکی ہے، کیمپ قائم کر دیا گیا ہے

ایک صارف کا کہنا تھا کہ اسلام آباد ہینڈز ٹرسٹ آرگنائزیشن کے سی ای او فیضل جمیل کی جانب سے مری میں برف میں پھنسے ہوے سیاحوں کے لئےکمبل وغیرہ اور بچوں کے لیے گرم کپڑے اور چاکلیٹس کھانے پینے کی اشیاء بھیجوا دی گئیں اسی طرح آپ سب بھی برف میں پھنسے سیاحوں کی مدد کرسکتے ہیں۔

ایک صارف کا کہنا تھا کہ مری کی موجودہ صورتحال *تحریک لبیک پاکستان* کے زمہ داران اور کارکنان میدان عمل میں ہے اور برفباری میں پھنسے ہوئے لوگوں کی مدد کے لیے ہر بار کی طرح اس بار بھی محب وطن ہونے کا ثبوت دے رہی ہے اور میدان عمل میں اپنا کردار ادا کر رہی ہے

غریدہ فاروقی کا کہنا تھا کہ مری کے انسانی المیے سے نمٹنے میں جماعتِ اسلامی کا کردار قابلِ تقلید اور قابلِ تحسین ہے۔ نہ صرف جماعتی بنیاد پر فوری ریسکیو اور ریلیف کیمپس لگا دیے گئے بلکہ علاقے میں جماعت کے افراد خاص کر نوجوان ورکرز بھرپور انداز میں پھنسے سیاحوں کی مدد کر رہے ہیں۔

ایک صارف کا کہنا ہے کہ شہریوں کا کہنا ہے کہ بار بار ریسکیو والوں کو کال کی مگر کوئی نہ آیا۔ کیسے آتے حکومت تو یہ یقین دلانے میں لگی ہوئی تھی کہ ملک ترقی کر رہا ہے سیاح مری آ رہے ہیں۔

ایک صارف کا کہنا تھاکہ اسلام آباد پولیس کےشہید اے ایس آئی کی آخری گفتگوکے دوران ان کے پاس کھانے کے لئے کچھ نہ تھا نہ کوئی پولیس والا نہ انتظامیہ اور نہ ہی ٹریفک وارڈن تھا جو گاڑیاں نکلوا سکے اس سب کا زمہ دار ڈی سی راولپنڈی اے سی مری سی ٹی او اور مری پولیس اور ہوٹل انڈسٹریز ہیں جو مدد کرتے تومعصوم لوگ نہ مرتے

مری اور گلیات میں شدید برفباری ،پولیس اور انتظامیہ کے روکنے کے باوجود بڑی تعداد میں لوگ موجود ہیں، سی پی او راولپنڈی ساجد کیانی اور ڈی سی راولپنڈی محمد علی رات سے مری میں موجود ہیں، مری اور گلیات میں شدید برفباری کا سلسلہ مسلسل جاری ہے، ہوٹل اور سڑکوں میں لوگوں کی بڑی تعداد موجود ہے۔ساجد کیانی سی پی او راولپنڈی کا کہنا ہے کہ وزیراعلی پنجاب کی ہدایات پر راولپنڈی پولیس اور ضلعی انتظامیہ مری میں اپنے تمام تر وسائل کا استعمال کر رہی ہیں۔مسلسل برفباری کی وجہ سے سڑکوں کو کلیئر کرنے میں مشکلات ہیں، ٹریفک پولیس، پنجاب ہائی وے اور نیشنل ہائی وے مل کر کام کر رہے ہیں۔شہریوں کو احتیاطی تدابیر اپنانے کے لیے بار بار اعلانات کیے جا رہے ہیں۔ بچے، بزرگ اور خواتین کو محفوظ مقام پر پہنچانا اولین ترجیح ہے۔مسلسل برفباری اور گاڑیوں میں ہیٹر چلنے کی وجہ سے سانس اور پھیپھڑوں کی بیماری میں مبتلا شہریوں کو ریسکیو کی مدد سے فوری فرسٹ ایڈ دی جا رہی ہیں۔ مری میں داخلے کے راستے بند کر دیئے گئے ہیں، نتھیا گلی سے مری داخلے پر ایس او پیز لاگو کر دیئے گئے ہیں۔ شہریوں سے اپیل ہے کہ ضلعی انتظامیہ اور پولیس سے تعاون کرین، سیاحوں کو مسلسل راہنمائی فراہم کر رہے ہیں۔منع کرنے کے باوجود مری کا رخ کرنے والے شہریوں کو واپس بھیجا جا رہا ہے۔

مری سانحہ، غفلت کا ذمہ دار کون ہے؟ مبشر لقمان برس پڑے

مری میں ہونے والی برفباری میں اسلام آباد پولیس کا اہلکار اہلخانہ سمیت جاں بحق ہو گیا

ایک طرف انسانیت، دوسری طرف بربریت،مسلم امہ کا امتحان ہے، وزیر خارجہ

آن لائن کلاسز .اب امتحان بھی آن لائن ہی لیں، طلبا سڑکوں پر آ گئے

طلبا خبردار، پنجاب بھر میں میٹرک اور انٹرمیڈیٹ کے امتحانات کا شیڈول تیار

امتحانات کے معاملے پر سستی سیاست بند کی جائے، شفقت محمود

ریلوے کس کے دور میں اچھی رہی، سعد رفیق یا شیخ رشید؟ کمیٹی میں انکشاف

عمران خان کی سیاست کا جنازہ نکلتے دیکھیں گے،خواجہ سعد رفیق

ٹرمپ میرے خواب میں آئے ،بھارتی شہری نے ٹرمپ کے دورہ بھارت سے قبل ایسا کام کیا کہ سب حیران

متنازعہ شہریت بل پر امریکا میدان میں آ گیا،ٹرمپ کریں گے مودی سے کشمیر، شہریت بل پر بات

ٹرمپ کا کریں گے بھارتی فنکار استقبال،28 سٹیج تیار، طلبا کیا کریں گے؟ ڈیوٹی لگا دی گئی

بھارت میں کھڑے ہوکر ٹرمپ نے پاکستان بارے ایسا کیا کہہ دیا کہ مودی کو پسینے چھوٹ گئے

ٹرمپ کو ویلکم کرتے وقت مودی نے ایسے نام سے پکارا کہ ٹرمپ منہ دیکھتے رہ گئے، دیا کھرا جواب

مری، اموات میں اضافہ، جاں بحق افراد کی فہرست جاری

مری واقعہ،ن لیگ کا وزیراعظم اور وزیراعلیٰ پنجاب سے مستعفیٰ ہونے کا مطالبہ

Facebook Notice for EU! You need to login to view and post FB Comments!