گزشتہ شب کراچی میں قتل ہونے والے اینکر پرسن مرید عباس کی نماز جنازہ ادا کر دی گئی، تدفین آبائی گاوں میں ہو گی، پولیس نے اہلیہ کی مدعیت میں مقدمہ درج کر لیا

ڈی جی آئی ایس پی آر، بلاول و دیگر کی مرید عباس کے قتل کی مذمت، اہلیہ نے بھی بیان دے دیا

باغی ٹی وی کی رپورٹ کے مطابق بول نیوز کے اینکر مرید عباس کو گزشتہ شب کراچی کے علاقے ڈیفنس میں قتل کر دیا گیا تھا، مرید عباس کی نماز جنازہ ادا کر دی گئی،جس میں صحافی برادری،دوست احباب،اہل خانہ اور سیاسی و سماجی شخصیات نے شرکت کی. نماز جنازہ ادا کرنے کے بعد ان کی میت ان کے آبائی علاقے روانہ کر دی گئی، اینکرمریدعباس کی تدفین ان کےآبائی گاؤں پیپلاں میں کی جائے گی

اینکر مرید عباس کو قتل کرنے والے نے کی خودکشی، پولیس کا دعویٰ

مریدعباس کے گھرسوگ کا سماں ہے،ہرآنکھ اشکبارہے، مریدعباس کی میت اسلام آباد سے بائی روڈ میانوالی پیپلاں لائی جائے گی .مرید عباس کی پوسٹ مارٹم رپورٹ بھی آ گئی ہے، جس کے مطابق مقتول کو 4 گولیاں ماری گئیں جو کہ سینے،کمر اور ہاتھ پر لگیں۔ مقتول مرید عباس کا پوسٹ مارٹم جناح اسپتال میں ڈاکٹر شہزاد علی نے کیا .

کراچی، فائرنگ سے نجی ٹی وی کے اینکر مرید عباس جاں بحق

مریدعباس کے قتل کا مقدمہ مقتول کی اہلیہ کی مدعیت میں درج کر لیا گیا ہے.

ایمرا کی اینکر مرید عباس کے قتل کی شدید مذمت

واضح رہے کہ کراچی میں ڈیفنس بخاری کمرشل میں فائرنگ سے بول ٹی وی کے کانٹینٹ مینیجر اور اینکر مرید عباس سمیت دو افراد کو قتل کر دیا تھا. مرید عباس کا تعلق میانوالی سے بتایا گیا ہے. وہ پہلے سماء نیوز سے وابستہ تھے جبکہ ان دنوں‌ وہ بول نیوز کیلئے کام کر رہے تھے. انہیں ڈیفنس کے علاقے خیابان جامی میں نامعلوم افراد نے اس وقت نشانہ بنایا جب مرید عباس دفتر سے گھر جا رہے تھے، راستے میں مقامی ہوٹل کھانے کے لئے رکے، گاڑی میں سوار مسلح افراد نے ہوٹل میں گھس کر مرید عباس کو فائرگ کر کے جاں بحق کیا، اینکر پرسن کی لاش کو جناح ہسپتال منتقل کر دیا گیا ہے،