مری کا گورنمنٹ ہاؤس عوام کیلئے کھول دیا گیا، ہوٹل کے طور پر ہو گا استعمال، ڈاکٹر شہباز گل

ترجمان وزیراعلیٰ پنجاب ڈاکٹر شہباز گل نے گزشتہ حکومتوں کی گورنمنٹ ہاوس مری میں شاہانہ طرززندگی پر ویڈیو جاری کردی ہے اور کہا ہے کہ خود کو مغلیہ بادشاہ سمجھنے والوں نے اپنی عیاشی کیلئے عوامی دولت کو بے دردی سے لوٹا،

باغی ٹی وی کی رپورٹ کے مطابق ڈاکٹر شہباز گل نے کہاکہ گورنمنٹ ہاؤس کی تزئین و آرائش کیلئے سابقہ حکمرانوں نے60کروڑ سے زائد ضائع کیے، ملک کو 30ہزار ارب کے قرضوں تک پہنچانے والوں کی عیاش طرز زندگی دیکھ کر حیرت ہوتی ہے، قومی دولت سے ذاتی آسائش خریدنے کی کرپشن کرپٹ لیگ کا طرہ امتیاز رہا، شہنشاہ معظم اور وہی عہد صاحبان نے عوام کی دولت کو باپ کا مال سمجھ کر لٹایا،

ڈاکٹر شہباز گل نے کہاکہ وزیراعظم عمران خان نے عوام سے کیا وعدہ پورا کیااور گورنمنٹ ہاؤس مری کو عوام کیلئے کھول دیا ہے، اب یہ عوام کیلئے نو گو ایریا نہیں رہے گا؛ تمام پاکستانی یہاں بکنگ کروا کر قیام کرسکتے ہیں، مری کا گورنمنٹ ہاوس عوام کے لیے کھول دیا گیا ہے اور اسے ہوٹل کے طور پر استعمال کیا جائے گا، اس کیلئے بکنگ اوپن کر دی گئی ہے،

جواب چھوڑیں

آپ کا ای میل ایڈریس شائع نہیں کیا جائے گا.