کرپشن کے میوزیکل چیئرکا کھیل بند کراناوزیر اعظم کی سب سے بڑی کامیابی،مسرت جمشید چیمہ

0
31

کرپشن کے چمپئن شہباز شریف کے ہونہار سپوت عدالت سے باعزت بری نہیں ہوئے۔
لاہور: ترجمان پنجاب حکومت مسرت جمشید چیمہ نے کہا ہے کہ کرپشن کے میوزیکل چیئرکا کھیل بند کراناوزیر اعظم عمران خان کی سب سے بڑی کامیابی ہے ،کرپشن کے چمپئن شہباز شریف کے ہونہار سپوت عدالت سے باعزت بری نہیںہوئے بلکہ ان کی کرپشن کی وارداتوں کا کیس ابھی احتساب عدالت میں زیر سماعت ہے ،بلدیاتی انتخابات میں شفافیت کیلئے اوپن بیلٹنگ اور دیگر اصلاحات زیرغور ہیں۔اپنے ایک بیان میں انہوں نے کہا کہ مریم نواز صبح وشام،سوتے جاتے اور اٹھتے بیٹھتے وزیر اعظم بننے کے خواب دیکھتی ہیں لیکن انہیں اپنا یہ خواب شرمندہ تعبیر ہونے کی کوئی راہ نظر نہیں آتی ۔ انہوں نے کہا کہ مسلم لیگ (ن) او رپیپلز پارٹی نے کئی دہائیوں سے اقتدارمیں آ کر کرپشن سے مال بنائو اور جب اقتدار سے باہرہو تواسی ما ل کو اپنے مفادات کیلئے پانی کی طرح بہائوکا فارمولہ اپنایا ہوا تھا لیکن اب کرپشن کے میوزیکل چیئرمین کا کھیل بندہو چکا ہے ۔ مسرت جمشید چیمہ نے کہا کہ پردہ سکرین کے پیچھے مریم صفدر بیرون ملک جانے کیلئے جس طرح کے جتن کرتی ہیں اسے بھی قوم کے سامنے لایا جائے گا ، اب ان کے راستے محدود ہو گئے ہیں اور ان کی سیاست بند گلی میں داخل ہو چکی ہے جہاں سوائے تاریکی کے کچھ نہیں ہے

Leave a reply