سابق سٹی ناظم کراچی اور پاک سرزمین پارٹی کے سربراہ مصطفیٰ کمال کو عدالت سے بڑی کامیابی مل گئی

پاک سرزمین پارٹی مصطفٰی کمال پہ لگائے گئے الزامات کومسترد کرتی ہے: ترجمان

نیب نے احتساب عدالت میں سربراہ پی ایس پی مصطفیٰ کمال و دیگر کےخلاف ریفرنس دائر کیا ہے

باغی ٹی وی کی رپورٹ کے مطابق عدالت نے مصطفیٰ کمال کی عبوری ضمانت منظور کرلی ،سندھ ہائیکورٹ میں کیس کی سماعت ہوئی تو مصطفیٰ کمال کے وکیل نے کہا کہ نیب کورٹ کی جانب سےنوٹس جاری کیاگیا ہے،پلاٹس ہاکرز کو الاٹ کئے گئے تھے، عدالت نے استفسار کیا کہ نیب کورٹ نے صرف نوٹس جاری کئے پھرکیوں ضمانت لے رہےہیں؟ جس پر وکیل نے کہا کہ نیب نےمصطفیٰ کمال کوملزم نامزد کیا ہے کبھی بھی گرفتارکیا جاسکتا ہے، جس پر عدالت نے ضمانت دے دی ,عدالت نے مصطفی کمال کی ضمانت منظور کرتے ہوئے 10 لاکھ روپے کے مچلکے جمع کرانے کا حکم دیا۔ ملزمان کیخلاف نیب ریفرنس کی سماعت کل ہوگی،

واضح رہے کہ سابق سٹی ناظم مصطفی کمال نے درخواست میں موقف اختیار کیا تھا کہ نیب کے تمام الزامات بے بنیاد اور من گھڑت ہے، نیب کے ساتھ تعاون کرنے کو تیار ہوں، نیب کی جانب سے گرفتاری کا خدشہ ہے، ضمانت دی جائے۔

مصطفیٰ کمال کے پیش نہ ہونے پر عدالت کا اظہار برہمی، بڑا حکم دے دیا

واضح رہے کہ سابق سٹی ناظم کراچی اور پاک سر زمین پارٹی کے چیئرمین مصطفیٰ کمال بھی نیب کے ریڈار پر آ گئے ، نیب نے مصطفیٰ کمال کے خلاف ریفرنس دائر کر دیا ، نیب نے احتساب عدالت میں سربراہ پی ایس پی مصطفیٰ کمال و دیگر کےخلاف ریفرنس دائر کیا ہے جس میں افتخار قائم خانی سمیت11ملزم ریفرنس میں نامزد کئے گئے ہیں، زادے حسنین ملک، نذیر زرداری، محمد داؤد، محمد یعقوب بھی ملزمان میں شامل ہیں،