مشرف کے دور سے بھی زیادہ آئین و قانون کی خلاف ورزیاں ہو رہی ہیں، عظمیٰ بخاری

مشرف کے دور سے بھی زیادہ آئین و قانون کی خلاف ورزیاں ہو رہی ہیں، عظمیٰ بخاری
باغی ٹی وی کی رپورٹ کے مطابق مسلم لیگ ن پنجاب کی ترجمان عظمیٰ بخاری نے کہا ہے کہ نیازی حکومت سیاسی مخالفین اور میڈیا کا گلادبانا اپنی اولین ترجیح سمجھتی ہے

عظمیٰ بخاری کا کہنا تھا کہ پاکستان میں اس وقت مشرف کے دور سے بھی زیادہ آئین و قانون کی خلاف ورزیاں ہو رہی ہیں،حکومتی ناکامیوں سے پردہ اٹھانے والے چینلز کی بندش اور لائسنس کی معطلی شرمناک فعل ہے ،ناکام حکومت ہر ادارے اور ہر ٹی وی چینل کو اپنے انڈر کنٹرول کرنا چاہتی ہے

عظمیٰ بخاری کا مزید کہنا تھا کہ آزادی اظہار رائے پے قدغن لگانا جمہوری وزیراعظم کام نہیں ہوسکتا،عوام کے ووٹوں سے اقتدار میں آنے والے آزادی اظہار رائے پر یقین رکھتے ہیں ،موجودہ حکمرانوں کا جمہوری روایات سے دور تک کوئی تعلق نہیں ہے ،ملکی تاریخ میں پہلی مرتبہ میڈیاانڈسٹری بدترین بحران کا شکار ہے

عظمیٰ بخاری کا مزید کہنا تھا کہ نیازی حکومت میڈیا کے بقایاجات روک کے بلیک میل کررہی ہے ،اپوزیشن جماعتیں حکومت کو میڈیا کا گلا دبانے کی اجازت نہیں دینگی

واضح رہے کہ گزشتہ روز پیمرا نے 24 ٹی وی کا لائسنس معطل کر دیا گیا تھا جس پر صحافتی و سیاسی و سماجی تنطیموں نے ردعمل میں حکومت پر کڑی تنقید کی ہے