مشکل حالات میں بہترین حج پیکج دیا، وزیر مذہبی امور کا دعویٰ، تاجروں کو کروائی بڑی یقین دہانی
مشکل حالات میں بہترین حج پیکج دیا، وزیر مذہبی امور کا دعویٰ، تاجروں کو کروائی بڑی یقین دہانی
باغی ٹی وی کی رپورٹ کے مطابق وفاقی وزیر مذہبی امور نور الحق قادری نے لاہور چیمبر آف کامرس کے زیر اہتمام حج سیمینار سے خطاب کرتے ہوئے کہا کہ امسال وزیراعظم نے ہدایات دی ہیں کہ کسی بھی صورت میں ہم نے حج کو مہنگا ہونے سے بچانا ہے اس کیلئے ہم نے سعودی ایئر لائنز سعودی وزارت حج سمیت تمام متعلقہ سٹیک ہولڈرز سے مذاکرات کئے ہیں تاکہ حاجیوں کو زیادہ سے زیادہ سبسڈی دیکر بہتر سہولیات فراہم کی جا سکیں۔
نورالحق قادری نے مزید کہا کہ وزیر اعظم کے احکامات کے مطابق حج کیلئے 5 لاکھ 40 ہزارروپے کی رقم کو مزید کم کر کے 4 لاکھ 65 ہزارروپے تک لائے ہیں، ان مشکل حالات میں یہ سب سے مناسب اور بہترین پیکج ہے۔ کچھ پرائیویٹ ٹورز آپریٹرز کی طرف سے عدالتوں میں درخواستیں زیر سماعت ہونے کی وجہ سے پرائیویٹ حج پالیسی تاخیر کا شکار ہوئی ہے، ہم بہت جلد پرائیویٹ حج پالیسی جاری کریں گے جس میں شفافیت کے ساتھ ساتھ میرٹ کو بھی مدنظر رکھا جائے گا۔
وفاقی وزیر نے کہا کہ لاہور کی اس فراخ دلی کا میں ہر جگہ اعتراف کرتا ہوں لاہور میں ایک پوٹینشل ہے اور انشاءاللہ بہت جلد لاہور اس ریجن کا اقتصادی سرگرمیوں کے حوالے سے بڑامرکز بن سکتا ہے۔ پرائیویٹ حج پالیسی کو حتمی شکل دینے کیلئے پشاور کوئٹہ کراچی اسلام آباد اور لاہور کے نمائندوں کو شامل کیا گیا ہے جس میں ہم لاہور چیمبر آف کامرس کے لوگوں کو بھی مشاورت کیلئے شامل کریں گے تاکہ وہ ہمیں مخصوص بجٹ کے اندر رہتے ہوئے بہتر سہولیات کی فراہمی کیلئے رائے دے سکیں۔
وزارت مذہبی امور نےحج پالیسی 2020 جاری کردی جس کے تحت رواں سال ایک لاکھ 79 ہزار 210 پاکستانی حج ادا کرسکیں گے۔وزیر اعظم کی معاون خصوصی فردوس عاشق اعوان کےہمراہ پریس کانفرنس کے دوران نور الحق قادری نے کہا کہ رواں برس ایک لاکھ 84 ہزار 210 کے بجائے ایک لاکھ 79ہزار210 عازمین حج کرینگے
وزیر مذہبی امور نے بتایا کہ سپریم کورٹ کے فیصلے کو مد نظر رکھتے ہوئے نجی حج آپریٹرز میں یکساں کوٹہ تقسیم کیا جائے گا۔ انہوں نے بتایا کہ شمالی ریجن کے لیے رواں سال حج پیکج 4 لاکھ 90 ہزار روپے کا ہوگا جس میں اسلام آباد، پشاور، لاہور، سیالکوٹ، ملتان اور رحیم یار خان شامل ہیں۔
حج انتظامات کی بہتری کے لئے تجاویز کابینہ میں پیش کی جائیں، وزیراعظم
حج پالیسی، حکومت کرنے جا رہی ہے اہم تبدیلی، وزارت مذہبی امور متحرک
حج اخراجات میں کتنا اضافہ ہونے جا رہا ہے؟ سن کر پاکستانی پریشان
ہم اب بھی حج سستا کر سکتے ہیں، سابق وفاقی وزیر نے کیا موجودہ حکومت کو چیلنج
واضح رہے کہ وفاقی وزیر مذہبی امور پیر نور الحق قادری نے کہا ہے کہ پاکستانی کرنسی کی قدر میں کمی اور سعودی عرب میں آئے روز ٹیکسز کے نفاذ کی وجہ سے رواں سال حج اخراجات مزید بڑھ جائیں گے اور گزشتہ سال کے مقابلہ اس سال حج مزید مہنگا ہو گا، سعودی عرب میں ٹیکسز پر ٹیکسز کے نفاذ اور پاکستانی روپے کی قدر میں کمی کی وجہ سے حج اخراجات بڑھتے جا رہے ہیں، خواہش ہے کہ سستا حج کرا سکیں لیکن اخراجات کی وجہ سے ایسا کرنا ممکن نہیں۔ گزشتہ سال کے مقابلہ میں امسال حج مزید مہنگا ہو گا۔ حج اور کرتارپور کا موزانہ نہیں کیا جا سکتا، کرتارپور ایک راہداری ہے جو کہ صرف 4 کلو میٹر ہے اور سائیکل کی بجائے پیدل بھی لوگ آتے جاتے ہیں جبکہ حج کیلئے 4 ہزار کلومیٹر سے زائد کا طویل سفر طے کرکے وہاں 40 روز قیام و طعام کا اہتمام کرنا پڑتا ہے جس کی وجہ سے اخراجات زیادہ ہیں۔
