سعد فاروق
سول ڈیفنس حکام نے عوام کو خبردار کیا ہے کہ بھارت کی جانب سے پاکستان کے مختلف شہروں میں ڈرونز کے ذریعے USB جیسی مشتبہ ڈیوائسز گرائے جانے کی اطلاعات موصول ہوئی ہیں۔
با غی ٹی وی کے مطابق حکام کا کہنا ہے کہ یہ ڈیوائسز انسانی جان و مال کے لیے خطرناک ثابت ہو سکتی ہیں، اس لیے شہریوں کو سختی سے ہدایت کی گئی ہے کہ وہ کسی بھی مشکوک شے کے قریب جانے سے گریز کریں اور فوری طور پر متعلقہ حکام کو مطلع کریں۔اعلامیے میں کہا گیا ہے کہ اگر کسی شہری کو ڈرون یا USB نما کوئی مشتبہ چیز نظر آئے تو فوراً اپنے ضلعی کنٹرول روم یا پولیس ہیلپ لائن 15 پر اطلاع دیں، تاکہ سول ڈیفنس یا سیکیورٹی ادارے فوری کارروائی کر سکیں۔
حکام نے بتایا کہ تمام سول ڈیفنس اور سیکیورٹی ادارے اس ممکنہ خطرے سے نمٹنے کے لیے مکمل طور پر الرٹ ہیں، اور ہر اطلاع پر فوری رسپانس دیا جائے گا۔عوام سے اپیل کی گئی ہے کہ وہ مکمل ہوشیاری اور ذمہ داری کا مظاہرہ کریں، افواہوں پر کان نہ دھریں، اور کسی بھی غیر معمولی سرگرمی کی صورت میں فوری اطلاع دے کر قومی سلامتی میں اپنا کردار ادا کریں۔
بڑی سفارتی اور عسکری کامیابی،بلاول بھٹو کا افواجِ پاکستان اور عوام کو سلام
آپریشن بُنیان المرصوص” کی کامیابی پرآج یومِ تشکر منانے کا اعلان
جنگ بندی کی خلاف ورزی کے بھارتی الزامات مسترد
