موسیقی ایک قدرتی چیز ہے اس پر سرحدوں کا کوئی زور نہیں بھارتی فنکاروں پر پاکستانیوں کے ساتھ کام کرنے کی پابندی پر علی سیٹھی کا جواب

پاکستان سمیت دنیا بھر میں پھیلےکورونا وائرس سے بچاؤ کے لئے احتیاطی تدابیر اختیار کرتے ہوئے حکومت نے ملک بھر میں لاک ڈاؤن نافذ کر رکھا ہے جس کے باعث شوبز اور معروف شخصیات سمیت دیگر لوگ اپنے گھروں میں محصور ہیں

باغی ٹی وی : پاکستان سمیت دنیا بھر میں پھیلےکورونا وائرس سے بچاؤ کے لئے احتیاطی تدابیر اختیار کرتے ہوئے حکومت نے ملک بھر میں لاک ڈاؤن نافذ کر رکھا ہے جس کے باعث شوبز اور معروف شخصیات سمیت دیگر لوگ اپنے گھروں میں محصور ہیں ایسے میں فنکار قرنطینہ میں رہتے ہوئے مختلف سرگرمیوں سے اپنے مداحوں کو سوشل میڈیا پر محفوظ کر رہے ہیں ایسے میں حال ہی میں پاکستان کے نامور گلوکار علی سیٹھی نے بھی انسٹاگرام پر لائیو سیشن منعقد کیا جسے مداحوں نے بہت پسند کیا


علی سیٹھی نے لاک ڈاؤن میں مداحوں کے لیے آن لائن کنسرٹ میں پرفارم کیا اور بعدازاں ایک لائیو سیشن کی میزبانی بھی کی جس میں انہوں نے پاکستان کی نامور گلوکارہ فریدہ خانم اور بھارتی گلوکارہ ریکھا بھردواج کو شامل کیا اس سیشن کے دوران بھارتی ہدایت کار ویشال بھردواج بھی جلوہ گر ہوئے

علی سیٹھی کے اس سیشن کے بعد راحت فتح علی خان اور چند بھارتی فنکاروں کی جانب سے بھی آن لائن کنسرٹ کا انعقاد کیا گیا جس کے بعد بھارتی فلم ملازمین کی تنظیم ایف ڈبلیو آئی سی ای نے بھارتی فنکاروں کو پاکستانی فنکاروں کے ساتھ آن لائن کام کرنے سے روک دیا

بھارتی فلم ملازمین کے نوٹیفیکیشن کے بعد اب علی سیٹھی کو بھی تنقید کا نشانہ بنایا جارہا ہے اس حوا لے سے گلوکار ایک مرتبہ پھر اپنے انسٹاگرام اکاؤنٹ پر لائیو آئے اور مداحوں کے ساتھ اس مسئلے پر بات کی

علی سیٹھی کا کہنا تھا کہ مجھے لوگوں کی جانب سے پیغامات موصول ہورہے کہ کسی بھارتی تنظیم نے اپنے ایک سرکرلر جاری کیا ہے جس میں انہوں اپنے فنکاروں کو وارننگ دی ہے کہ وہ پر پاکستانی فنکاروں کے ساتھ سوشل میڈیا تک پر کام نہ کریں

انہوں نے مزید کہا کہ اس حوالے سے مجھےٹیگ تنقید کا نشانہ بنایا جارہا گالیاں دی جا رہی ہیں کیوں کہ میں نے اس سب کی شروعات کی ہماری وہاں قدر نہیں ہر رہی آپ نے کیوں ایسا کیا جبکہ ہم ایسا نہیں سوچتے

علی سیٹھی کے مطابق یہ سیشن اچانک ہوا تھا ہم نے کوئی منصوبہ بندی نہیں کی تھی کہ ہم کسی تحریک کے ذریعے انسٹا پر یہ کام کریں گے

انہوں نے کہا کہ موسیقی ایک قدرتی چیز ہے اس پر سرحدوں کا کوئی زور نہیں پوری دنیا میں ایسا ہے ہم پوری دنیا کی موسیقی سنتے ہیں لوگ ہمارے میوزک کو بھی سن کر پسند کرتے ہیں

علی سیٹھی نے کہا کہ سوشل میڈیا کے دور میں میرا نہیں خیال کہ ہم اس چیز کو روک سکتے ہیں

واضح رہے کہ بھارتی فلم ملازمین کی تنظیم ایف ڈبلیو آئی سی ای نے ایک نوٹیفکیشن جاری کرتے ہوئے اپنے تمام موسیقاروں، فنکاروں اور گلوکاروں سمیت تمام تکنیکی کام کرنے والے عملے کو ہدایت کی تھی کہ لاک ڈاؤن کے دوران پاکستانی فنکاروں کے ساتھ آن لائن کوئی سرگرمی نہ کریں

بھارتی فنکاروں پر پاکستانی فنکاروں کے ساتھ آن لائن کام کر نے پر پابندی عائد

ریکھا بھردواج کا پاکستانی مداحوں کے لئے لائیو پرفارم کرنے کا اعلان

جواب چھوڑیں

آپ کا ای میل ایڈریس شائع نہیں کیا جائے گا.