fbpx

گریٹر اقبال پارک واقعہ: متاثرہ خاتون کا جیل جانے سے انکار

گریٹراقبال پارک میں ٹک ٹاکر اور نرس عائشہ سے دست درزای کا واقعہ، عائشہ نے شناخت پریڈ کیلئے جانے سے انکار کردیا۔

باغی ٹی وی : تفصیلات کے مطابق ٹک ٹاکر عائشہ اکرم نے طبیعت ناساز ہونے کے باعث جانے سے انکار کیا۔ شناخت کیلئے نعمان ناصر جیل سے واپس روانہ ہوگئے۔

کیمپ جیل کے باہرپولیس کی جانب سے بےگناہ افراد کو گرفتار کئے جانے پر عزیرو اقارب نے احتجاج کیا یاد رہے 144گرفتارملزموں کی کیمپ جیل میں آج شناخت پریڈ تھی۔

واضح رہے کہ صوبائی دارالحکومت لاہور کے گریٹر اقبال پارک میں معروف ٹک ٹاکر لڑکی کے ساتھ بدتمیزی کرنے والے چار سو نامعلوم افراد کے خلاف مقدمہ درج کیا گیا تھا ایف آئی آر کے مطابق لڑکی ٹک ٹاک کی ویڈیوزبنانے، اپنے دوستوں کے ساتھ گریٹر اقبال پارک آئی تھی جہاں سینکڑوں لڑکوں نے اس کے ساتھ بدتمیزی شروع کردی ۔

اس دوران لڑکی کا موبائل فون ، زیور ، اور نقدی بھی چھین لی گئی ، وزیراعلیٰ پنجاب نے بدتمیزی کی ویڈیو سوشل میڈیا پر وائرل ہونے کے بعد سی سی پی او سے رپورٹ طلب کی تھی اور سختی سے اس واقعہ کی کاروائی کرنے کا حکم دیا تھا-