کراچی: میئر کراچی مرتضٰی وہاب نے کہا کہ ہے کہ متبادل راستہ نہ ہونے کی وجہ سے ڈمپرز اور ٹینکر شہر سے گزرتے ہیں، ناردن بائی پاس ٹھیک ہوجائے تو ہیوی ٹریفک شہر میں نہ آئے۔
باغی ٹی وی : میئر کراچی مرتضی وہاب نے ایف بی ایریا میں ترقیاتی منصوبوں کا افتتاح کردیا، اس موقع پر ا نہوں نے کہا کہ بلاول بھٹو نے جو وعدے کیئے اس کو پورا کر رہے ہیں، پی پی پی کے کارکنان سنگل پوانٹ ایجنڈا پر کام کر رہے ہیں،ہم وہ وعدے نہیں کرتے جو وفا نہ ہوسکیں، آج ایم کیو ایم کا میئر نہیں ہے آج پی پی پی کا میئر ہے اورآج کراچی میں کام ہو رہا ہے، ملیر ایکسپریس وے اسی سا ل دسمبر میں مکمل ہو جائے گا، مرغی خانے کا نیا پل ہم تعمیر کرنے جا رہے ہیں،8 لین کے برج کا کام عید کے بعد شروع ہو جائے گا۔
مرتضٰی وہاب نے کہا کہ جام صادق پر نیا برج تیار کرنے جا رہے ہیں، متبادل راستہ نہ ہونے کی وجہ سے ڈمپرز اور ٹینکر شہر سے گزرتے ہیں، ناردن بائی پاس ٹھیک ہو جائے تو ہیوی ٹریفک شہر میں نہ آئے گورنر صاحب کے اعلان کو 9 دن ہوگئے اب تک کے ایم سی اکاونٹس میں پیسے آ جانے چاہئیں تھے۔
ترکیہ: امام اوغلو کی گرفتاری کے بعد ملک بھر میں مظاہرے،1,100 افراد زیر حراست
مرتضیٰ وہاب نے گزشتہ 90 روز میں 1 لاکھ 25 ہزار اسکوائر فٹ روڈ کی کارپیٹنگ مکمل کرنے کا اعلان کیا انہوں نے کہا کہ 1 لاکھ 78 ہزار بلاک اس علاقے میں لگائے گئے ہیں،یہاں کا نہ کونسلر ہمارا ہے اور نہ ہی یو سی چیئرمین ہمارا ہے، یہاں چائنہ کٹنگ والے لوگ بیٹھے ہیں، یو سی چیئرمینز کو فیومیگیشن مشینیں دینے جا رہے ہیں اور جتنے اراکین سٹی کونسل میں موجود ہیں، سب کو بلا تفریق چیزیں دے رہے ہیں، حب کنال کے منصوبے کا کام 14 اگست تک مکمل ہو جائے گا انہوں نے کہا کہ ہمارا وعدہ وہ نہیں جو کبھی وفا نہ ہو سکے-
