اندھے قتل کا معمہ حل:مفرور ملزم گرفتار

کراچی :اندھے قتل کا معمہ حل ملزمہ گرفتار ہوچکی ہے اور ایسے ہی ایک اور واقعہ میں مطلوب مگر مفرور ملزم بھی پولیس نے پکڑلیا ہے

کراچی سے پولیس ذرائع کا کہنا ہے کہ انوسٹی گیشن پولیس ڈسٹرکٹ کیماڑی نے جرائم پیشہ عناصر کی سرکوبی کے لیے کاروائیاں جاری رکھی ہیں‌،تفتیشی ٹیم تھانہ ماڑی پور نے اعلیٰ پیشہ ورانہ کارکردگی کا مظاہرہ کرتے ہوئے اندھے قتل کا معمہ حل کر کے ملزمہ کو گرفتارکر لیا

پولیس کے مطابق مورخہ 2022-10-16 کو مقتول ذولفقار کسی کے فون آنے پر گھر سے نکلا اور لاپتہ ہوگیا،بعد ازاں ذولفقار کی نعش سینڈزپٹ سے سمندر کی ریت میں دبی ہوئی ملی

واقعہ کا مقدمہ الزام نمبر 264/2022۔ بجرم دفعہ 302/34 ت پ نامعلوم ملزمان کے خلاف درج کیا گیا

تشکیل کردہ تفتیشی ٹیم نے تکنیکی و انٹیلیجنس ذرائع کی مدد سے اندھے قتل کا معمہ حل کرتے ہوئے ملزمہ کلثوم مبارک دختر مبارک حسین کو گرفتارکر لیا،ملزمہ مقتول کی قریبی رشتہ دار ہے جو کہ مقتول کی بھانجی کی بیٹی ہے

ابتدائی تفتیش میں ملزمہ نے اپنے جرم کا اعتراف کرتے ہوئے مقتول کو بہانے سے بلوا کر اپنے دوستوں کے ذریعہ قتل کروانے کا انکشاف کیا

گرفتار ملزمہ سے مزید تفتیش جاری ہے

دوسری کاروائی میں تفتیشی ٹیم تھانہ مدینہ کالونی نے کاروائی کرتے ہوئے مفرور ملزم کو گرفتارکر لیا،ملزم نثار احمد کے خلاف تھانہ مدینہ کالونی میں مقدمہ الزام نمبر 120/2022 بجرم دفعہ 381A/420/34 ت پ درج تھا