اپوزیشن حکومت کے خلاف ایک پلیٹ فارم پر ہے،ن لیگ میں کوئی دھڑے بندی نہیں ہے خورشید شاہ

0
26

خورشید شاہ کا کہنا ہے کہ اپوزیشن حکومت کے خلاف ایک پلیٹ فارم پر ہے،ن لیگ میں کوئی دھڑے بندی نہیں ہے-

باغی ٹی وی : تفصیلات کے مطابق رہنما پیپلز پارٹی خورشید شاہ کا کہنا ہے کہ ابھی تک کوئی مشترکہ حکومت بنانے کی بات نہیں ہوئی میرے لیےکوئی وزارت عظمیٰ کا فیصلہ نہیں ہوا ہےمیرے وزیر اعظم بننے سے کوئی پہاڑ نہیں ٹوٹ پڑے گا۔

خورشید شاہ کا کہنا ہے کہ ہم چاہتے ہیں ادارے مضبوط ہوں پارلیمنٹ طاقتور ہوگی تو سارے ادارے مضبوط ہوں گے چاہتے ہیں مہنگائی کا سونامی ختم ہو، عوام سکون کی سانس لیں۔

اس سوال پر کہ کیا ان ہاوس تبدیلی پر اپوزیشن کو راضی کر رہے ہیں؟ جس پر خورشید شاہ سوال ٹال گئے اور جواب میں کہاکچھ ایسی چیزیں ہوتی ہیں جو بتائی نہیں جاتیں۔

انہوں نے کہا ہے کہ اپوزیشن حکومت کے خلاف ایک پلیٹ فارم پر ہے،مریم اورنگزیب اور مریم نواز بھی پی ڈی ایم میں موجود ہیں، ہم مل بیٹھ کر بات کریں گے، ن لیگ میں کوئی دھڑے بندی نہیں ہے، اب ہر چیز بہتر ہوتی جائے گی،غلط فہمیاں دور ہوجائیں گی ،اپوزیشن کو ایک پلیٹ فارم پر جمع کرنے کا کریڈٹ میرا نہیں سب کا ہے،لانگ مارچ بہت دور ہے، اللہ کرے گا پہلے ہی کام ہوجائے گا۔

Leave a reply