نامعلوم نعشوں کو بغیر شناحت دفن کرنے کا سلسلہ جاری

سرگودھا (بیورو رپورٹ) سرگودھا شہر اور گردونواح میں نشئی اور نامعلوم نعشوں کو بغیر شناخت کے سپرد خاک کرنے کا سلسلہ جاری ہے تفتیشی افسر نامعلوم نعشوں کو دفنانے سے قبل متعلقہ احکامات پر عملدرآمد نہیں کرتے جس کی وجہ سے ایسے افراد جو نشہ کے عادی ہوں یا ان کی نعش ملیں اور وہ شناخت نہ ہوسکیں تو پولیس ان کو بغیر تحقیق کے ہی دفن کردیتی ہے حکومت نے سٹینڈ آرڈر کے مطابق جدید ٹیکنالوجی کے دور میں نامعلوم نعش کی شناخت کیلئے تفتیشی افسر کیلئے پی ایف ایس اے کی ٹیم کو جائے وقوعہ پر بلوا کر نعش کا حلیہ احتیاط سے تحریر‘ خدو خال‘ شناخت‘ نشانات‘ نقائص تحریر کرنے‘ نعش کے جسم کی تلاشی لینے‘ فنگر پرنٹس لینے سمیت دیگر اقدامات کے بعد نعشوں کو دفن کرنے کی ہدایت کی ہے۔