این اے 249 الیکشن، ن لیگی رہنما کو مل گئی بڑی کامیابی

0
27

این اے 249 الیکشن، ن لیگی رہنما کو مل گئی بڑی کامیابی

الیکشن کمیشن نے ن لیگی رہنما مفتاح اسماعیل کی دوبارہ گنتی کی درخواست منظور کرلی

این اے 249 ضمنی انتخاب میں دوبارہ گنتی کے حوالہ سے مفتاح اسماعیل کی درخواست پر سماعت 4 مئی کو مقرر کر دی گئی ہے ،الیکشن کمیشن کا کہنا ہے کہ حتمی نتائج سے متعلق امتناع کا حکم دے دیا ہے چیف الیکشن کمشنر لاہور میں ہیں،حکم امتناع کا فیصلہ 2 رکنی کمیشن کا نہیں بلکہ الیکشن کمیشن کا ہے ، مسلم لیگ ن کے امیدوار مفتاح اسماعیل نے چیف الیکشن کمیشن کو درخواست دی ہے جس میں کہا کہ آر او نے ہماری تمام دراخواستیں مسترد کردی ہیں جو کہ آر او کا متعصب ہونا واضع کرتا ہے۔ کچھ پریذائیڈنگ آفسران پر تحفظات ہیں جبکہ فارم 45 اور فارم 47 کے نتائج بھی فرق ہیں ،حلقے کے تمام پولنگ سٹیشنز کی دوبارہ گنتی کی جائے

مفتاح اسماعیل کا کہنا ہے کہ ہمیں آر او نے پولنگ اسٹیشن کے حساب سے رزلٹ سمری فراہم نہیں کی، ہمیں آر او کی جانب سے فارم 45 فراہم نہیں کیے گئے ،ہم نےآراوسے واٹس ایپ نتائج کی وصولی کے وقت کی رسید مانگی، نہیں دی گئی،آر او نے ہماری ساری درخواستیں مسترد کرکے واضح جانبداری کا مظاہرہ کیا ہے ، آدھے سے زیادہ فارم 45 پر آر او نے دستخط نہیں کیے، تمام پولنگ اسٹیشنز پر دوبارہ گنتی کرائی جائے، ہم مطالبہ کرتے ہیں نتائج کو حتمی شکل دینےسے روکا جائے،

قبل ازیں مریم اورنگزیب نے کہا ہے کہ آر او نے ابھی تک مفتاح اسماعیل کومہر لگا فارم 45 نہیں دیا، سندھ حکومت نے الیکشن کمیشن کے عملے کو یر غمال بنایا ہوا ہے،ہمیں فارم 45 کی کاپی بھی نہیں دی جا رہی ،چیف الیکشن کمشنردوبارہ گنتی کرانے کا اختیاررکھتے ہیں،اب ہم چیف الیکشن کمیشن کے پاس گئے ہیں،امید رکھتے ہیں چیف الیکشن کمشنر ایکشن لیں گے،اس وقت صوبائی الیکشن کمیشن یرغمال بنا ہوا ہے،پریزائیڈنگ افسرنے آدھے سے زیادہ فارم 45 پر دستخط نہیں کیے،ہمارے پاس تمام شواہد موجود ہیں،

بلاول زرداری نے اہم شخصیت سے استعفیٰ مانگ لیا

کراچی ضمنی الیکشن، ن لیگی امیدوار نے الیکشن کمیشن سے کیا مطالبہ کر دیا؟

این اے 249 انتخابات، شہباز شریف نے دیا ووٹرز کے لئے اہم پیغام

کراچی ضمنی الیکشن، اراکین اسمبلی کو حلقے سے نکال دیا گیا

واضح رہے کہ کراچی حلقہ این اے 249 ضمنی الیکشن میں پیپلز پارٹی نے تحریک انصاف کی سیٹ چھین لی پیپلز پارٹی کے قادر خان مندوخیل 16 ہزار 156 ووٹ لے کر کامیاب قرار پائے ہیں، این اے 249 ضمنی الیکشن کے 276 پولنگ سٹیشنز کا غیر حتمی غیر سرکاری نتیجہ موصول ہوگیا۔ ن لیگ کے مفتاح اسماعیل 15 ہزار 473 ووٹ لے کر دوسرے نمبر پر رہے۔ تحریک لبیک کے نذیر احمد 11 ہزار 125 ووٹ لے کر تیسرے ، پاک سر زمین پارٹی کے مصطفیٰ کمال 9 ہزار 227 ووٹ لے کر چوتھے، پاکستان تحریک انصاف کے امیدوار 8 ہزار 922 ووٹ لے کرپانچویں جبکہ ایم کیو ایم کے امیدوار 7511 ووٹ لے کر چھٹے نمبر پر رہے ہیں

Leave a reply