جعلی ویب سائٹ پر عوام سے نیب میں ملازمتوں کے نام پر رقم بٹورنے کی اطلاعات پر چیئرمین نیب جسٹس ر جاوید اقبال نے نوٹس لے لیا.

باغی ٹی وی کی رپورٹ کے مطابق چیئرمین نیب نے ڈائریکٹر نیب کو ہدایات دیں کہ اس حوالہ سے ایف آئی اے کو ویب سائٹ سے متعلق آگاہ کریں،جعلی ویب سائٹ بنانے اورعوام کو دھوکہ دینے والوں کےخلاف کارروائی ہوگی،

نیب کی جانب سے جاری اعلامیہ میں کہا گیا ہے کہ نیب میں آسامیاں پر کرنے کےلیے اخبار ات میں اشتہار دیئے جاتے ہیں،نیب اورپیپرا کی ویب سائٹس پر متعلقہ اشتہار اپ لوڈ کیا جاتا ہے ، نیب میں اسامیوں کو پُرکرنےکیلئے میرٹ اورشفافیت کومدنظررکھا جاتا ہے،نیب میں اسامیوں کوپُرکرنے کیلئےاردو،انگریزی اخباروں میں اشتہار دیئے جاتے ہیں،