ورلڈ ہیڈر ایڈ

نیب فراڈ ادارہ، کالا قانون، بلاول نیب پر برس پڑے

پیپلز پارٹی کے چیئرمین بلاول زرداری نے کہا ہے کہ پیپلز پارٹی نیب کو فراڈ ادارہ سمجھتی ہے ،نیب کا قانون کالا قانون ہے ، چیرمین نیب کے انٹرویو سے عدالتی حکم کی خلاف ورزی ہوئی

باغی ٹی وی کی رپورٹ کے مطابق بلاول زرداری نے رتوڈیرو میں میڈیا سے گفتگو کرتے ہوئے کہا کہ خان صاحب نیب کو بلیک میلنگ کے ذریعے چلارہے ہیں ،آمر کا بنایا گیا نیب کاقانون کالا قانون ہے ،بلاول نے مزید کہا کہ پیپلز پارٹی نےہمیشہ اصولوں پر سیاست کی سازشی نہیں ،نیب گردی اور ایف آئی اے کا نظام چلنے سے بزنس مین خوفزدہ ہیں ،انہوں نے مزید کہا کہ حکومت ٹیکس کمی کی وجہ سے گیس بجلی کے بل بڑھا رہی ہے،حکومت کی نالائقی کا بوجھ عوام اٹھا رہے ہیں ،مہنگائی کی وجہ حکومت کی نا اہلی ہے

واضح رہے کہ نیب نیب راولپنڈی نے سابق صدرآصف زرداری کو 29 مئی کودوبارہ طلب کیا ہے .پیپلز پارٹی کے شریک چیئرمین آصف زرداری کو پاورپروجیکٹ،غیرقانونی ٹھیکوں کے کیس میں نیب نے طلب کیا ہے، زرداری کو نیب نے 29 مئی کو اولڈ نیب ہیڈکوارٹر پیش ہونے کی ہدایت کی ہے .نیب نے اسی روز پیپلز پارٹی کے چیئرمین بلاول زرداری کو بھی جے وی اوپل کیس میں طلب کر رکھا ہے .بلاول کو نیب نے 24 مئی کو بلایا تھا لیکن بلاول پیش نہ ہوئے اب نیب نے بلاول کو بھی 29 مئی کو ہی طلب کیا ہے.

جواب چھوڑیں

آپ کا ای میل ایڈریس شائع نہیں کیا جائے گا.