نیب کی چیئرمین پی ٹی آئی سے جیل میں 3 گھنٹے انکوائری

چیئرمین پی ٹی آئی سے ملاقات کے لئے ان کی لیگل ٹیم اڈیالہ جیل پہنچ گئی
0
169
adyayla

راولپنڈی: نیب ٹیم نے چیئرمین پی ٹی آئی سے جیل میں 3 گھنٹے انکوائری کی-

باغی ٹی وی : جیل ذرائع کے مطابق نیب کی تحقیقاتی ٹیم آج پھر چیئرمین پی ٹی آئی سے تفتیش کے لئے اڈیالہ جیل پہنچ گئی اور 190ملیں پاؤنڈز اسکینڈل کے حوالے سے سوالات کئے نیب ٹیم میں میاں عمر ندیم، کیس افسر آصف منیر اور روح الامین شامل تھے، جنہوں نے چیئرمین پی ٹی آئی سے 3 گھنٹے تفتیش کی اور واپس روانہ ہوگئے۔

ذرائع نے بتایا کہ نیب ٹیم کے جیل سے روانہ ہوتے ہی چیئرمین پی ٹی آئی سے ملاقات کے لئے ان کی لیگل ٹیم اڈیالہ جیل پہنچ گئی،لیگل ٹیم میں بیرسٹرعلی ظفر، بیرسٹرگوہرعلی اور عمار نیازی شامل ہیں۔

امریکی وفد کا اڈیالہ جیل،برطانوی وفد کا رائیونڈ کا دورہ

دوسری جانب اسلام آباد ہائیکورٹ نے چیئرمین پی ٹی آئی عمران خان کے جیل ٹرائل پر حکم امتناع میں 20 نومبرتک توسیع کردی،اسلام آباد ہائیکورٹ کے جسٹس میاں گل حسن اورنگزیب نے سائفرکیس میں جیل ٹرائل کے خلاف عمران خان کی انٹراکورٹ اپیل پر سماعت کی جس سلسلے میں اٹارنی جنرل، اسپیشل پراسیکیوٹر اور عمران خان کے وکیل سلمان اکرم راجہ عدالت میں پیش ہوئے۔

گرفتاری کا خوف، بشریٰ بی بی پھر عدالت پہنچ گئی

دوران سماعت جسٹس میاں گل حسن نے کہا کہ کہاگیا جیل میں کورٹ دس بائی دس کے کمرے میں لگائی گئی، اس پر اسپیشل پراسیکیوٹر نے بتایا کہ جیل میں جوپہلےکورٹ روم تھا وہاں صرف15 سے16 افرادکی گنجائش تھی، اٹارنی جنرل نے کہا کہ جیل میں عدالت کیلئے ویسی سہولیات موجود نہیں، کورٹ روم چھوٹا ہونے کا مطلب یہ نہیں کہ کم افراد کی گنجائش کے باعث وہ کلوزٹرائل ہے، سائفرکیس میں جیل ٹرائل اوپن ٹرائل ہے، اب جیل میں کورٹ پروسیڈنگ اورٹرائل کیلئے پہلے کی نسبت بڑا کمرہ مل گیا ہے۔

نگران وزیراعظم اور وزیر خزانہ کتنے اثاثوں کے مالک؟تفصیلات سامنے آ گئیں

اس دوران عمران خان کے وکیل نے پیر تک سائفرکیس کے جیل ٹرائل میں حکم امتناع میں توسیع کی استدعا کی جسے عدالت نے منظور کرتے ہوئے حکم امتناع میں 20 نومبر تک توسیع کرتے ہوئے سماعت ملتوی کردی۔

Leave a reply