fbpx

نیب کی ٹیم آغا سراج درانی کو گرفتار کئے بغیر واپس چلی گئی

قومی احتساب بیورو (نیب) کی 3 رکنی ٹیم اسپیکر سندھ اسمبلی آغا سراج درانی کو گرفتار کیے بغیر ان کے گھر کے باہر سے واپس چلی گئی 15گھنٹے بعد واپس چلی گئی۔

باغی ٹی وی : نیب ٹیم گزشتہ روز سہہ پہر 4 بجے کراچی میں آغا سراج درانی کی گرفتاری کے لیے ڈیفنس میں ان کے گھر پہنچی تھی تاہم سراج درانی کے ملازمین مزاحمت کرتے رہے آغاسراج درانی کے گھر کے باہر تعینات گارڈز نے نیب کی ٹیم کو روکے رکھا نجی سیکیورٹی عملے کا کہنا ہے کہ آغا سراج درانی اس وقت گھر میں موجود نہیں ہیں۔اس وقت گھر میں صرف خواتین موجود ہیں۔

نیب نے خواتین اہلکار کو گھر میں جانے کی اجازت بھی طلب کی لیکن گھر کے اندر داخل ہونے نہ دیا گیا نیب اہلکار ساری رات اسپیکر سندھ اسمبلی کے گھر کے باہر موجود رہے جبکہ سراج درانی کے حامیوں نے ناشتہ بھی یہیں کیا اور نیب ٹیم کو گھر کے اندر جانے نہیں دیا۔

درخواست ضمانت مسترد ہونے پر نیب کا سراج درانی کی گرفتاری کیلئے گھر پر چھاپا

نیب نے مختلف ٹیمیں تشکیل دے کرآغا سراج درانی کی گرفتاری کے لیے مختلف مقامات پر چھاپے مارے گھر کے اطراف ناکہ بندی بھی کی گئی ائیر پورٹ پر بھی نیب کی ٹیم متحرک رہی لیکن تاحال اسپیکر سندھ اسمبلی آغا سراج درانی کی گرفتاری عمل میں نہیں لائی جا سکی ہے۔

یاد رہے کہ آمدن سے زائد اثاثوں کے ریفرنس میں سندھ ہائیکورٹ نے اسپیکر سندھ اسمبلی کی درخواست ضمانت مسترد کی تھی عدالت کے تحریری فیصلے کے مطابق آغا سراج کی آمدنی اور اثاثوں میں ایک ارب 61 کروڑ روپے کا فرق ہے۔

آغا سراج درانی کے خلاف درخواست ضمانت پر عدالت عالیہ کے جسٹس ندیم اختر اور جسٹس اقبال کلہوڑو پر مشتمل خصوصی بینچ نے درخواست ضمانت پر فیصلہ محفوظ کیا تھا۔

طیاروں سے پرندوں کے ٹکرانے کے واقعات، پی آئی اے کو لاکھوں ڈالر کا نقصان

عدالت نے گزشتہ روز درخواست ضما نت کا فیصلہ 11 بجے سنانے کا وقت مقرر کیا تھا تاہم مقررہ وقت پر آغا سراج درانی سمیت کوئی بھی ملزم عدالت نہیں پہنچا جس پر عدالت نے ملزمان کی غیر موجودگی میں فیصلہ سنایا –

کیس کے ملزمان میں آغا سراج درانی، ان کی اہلیہ اور بیٹے سمیت 18 ملزمان شامل ہیں جن میں سے 8 ملزمان کی درخواست مسترد کی گئی جبکہ آغا سراج درانی کی اہلیہ اور بیٹوں کی ضمانت منظور کرلی گئی-

عمران خان نے پاکستان کی ڈوبتی معشیت کو بچایا شوکت ترین