نیب نے لاہور ہائیکورٹ سے ن لیگی رہنما کی درخواست ضمانت خارج کرنے کی استدعا کر دی

0
24

باغی ٹی وی کی رپورٹ کے مطابق مسلم لیگ ن کے ایم این اے برجیس طاہر کے خلاف آمدن سے زائد اثاثوں کی نیب انکوائری، نیب نے برجیس طاہر کی ہائیکورٹ میں درخواست کا تحریری جواب جمع کرا دیا

نیب کی جانب سے چھ صفحات پر مشتمل جواب عدالت میں جمع کروایا ہے، نیب نے لاہور ہائیکورٹ سے برجیس طاہر کی درخواست خارج کرنے کی استدعا کی ہے

نیب کے جواب میں کہا گیا ہے کہ برجیس طاہر کے خلاف آمدن سے زائد اثاثوں کی انکوائری کر رہے ہیں، قانونی تقاضے پورے کرنے کے بعد برجیس طاہر کے اثاثوں کی تفصیلات مانگی گئی ہیں ۔ مختلف محکموں سے بھی برجیس طاہر کے اثاثوں کی تفصیلات مانگی گئی ہیں ۔

نیب جواب میں مزید کہا گیا کہ برجیس طاہر کے خلاف نیب کو 9 اپریل 2020 کو آمدن سے زائد اثاثوں کی تحقیقات کے لیے درخواست موصول ہوئی ۔ 22 فروری کو چیرمین نیب نے برجیس طاہر کے خلاف انکوائری کی منظوری دی ۔ برجیس طاہر کے تاحال وارنٹ گرفتاری جاری نہیں کیے گئے۔ برجیس طاہر کی ضمانت کی درخواست مسترد کی جائے.

درخواست گزار نے لاہور ہائیکورٹ میں دائر درخواست میں کہا کہ درخواست گزار کیخلاف 2003 میں نیب انکوائری کلوز کر چکا ہے، 6 دفعہ ایم این اے منتخب ہو چکا ہو متعدد بار وفاقی وزیر رہا،صاف اور شفاف احتساب کا حمایتی ہوں لیکن انصاف ہوتا نظر آنا چاہیے،عدالت قبل از گرفتاری درخواست ضمانت منظور کرے

Leave a reply