ندیم بیگ کس بات پر ہیں خوش ِ؟

پاکستان فلم انڈسٹری کے سیئنر اداکار ندیم بیگ نے کہا ہے کہ مجھے بہت خوشی ہے کہ پاکستان میں فلمیں تسلسل کے ساتھ بن رہی ہیں ، اور اہم بات یہ ہے کہ عید جیسے تہواروں پر مسلسل فلمیں لگ رہی ہیں، انہوں نے کہا کہ جس رفتار سے کام ہو رہا ہے فلمیں بن رہی ہیں اسکو دیکھ کر لگتا ہے کہ وہ دن دور نہیں‌ جب فلم انڈسٹری اپنا کھویا ہوا مقام حاصل کرلے گی. ندیم بیگ نے کہا کہ تمام سینئرز فلم انڈسٹری کی ترقی میں اپنا حصہ ڈالنے کےلئے تیار ہیں، اگر سینئرز کی رہنمائی نئے لوگوں کو درکار ہے تو وہ ہمارے پاس آئیں ہم ان کے ساتھ چلنے کےلئے تیار ہیں. انہوں

نے یہ بھی کہا کہ پاکستان میں اس وقت اچھی فلمیں بن رہی ہیں اردو بھی بن رہی ہیں پنجابی بھی بن رہی ہیں ہر طرح کی آڈینز کے لئے ہر طرح کی فلمیں بن رہی ہیں.مجھے بہت خوشی ہوتی ہے دیکھ کر کہ کام ہو رہاہے. انہوں نے کہا کہ ڈرامہ تو ہمارا پہلے ہی اچھا بن رہا ہے اگر فلم انڈسٹری بھی اپنے پائوں پر کھڑی ہوجائے تو سونے پہ سہاگہ ہو گا .ندیم بیگ نے کہا کہ مجھے اگر کوئی اچھا کردار ملا تو میں فلم بھی کروں گا اور ڈرامہ بھی کروں گا.