ندیم بیگ نے زندگی کی 79 بہاریں دیکھ لیں

0
47

پاکستان شوبز انڈسٹری کے معروف و مقبول لیجنڈری اداکار، پروڈیوسر اور گلوکار ندیم بیگ آج اپنی زندگی کی 79 ویں سالگرہ منارہے ہیں۔

باغی ٹی وی : باوقار شخصیت کے مالک ندیم بیگ پاکستان شوبز انڈسٹری کے ایک کامیاب انسان ہیں۔ ان کا سحر انگیزدور فلم ’چکوری‘سے شروع ہوا اور پھر ان کی زندگی کامیابی کی طرف چل پڑی۔

ندیم بیگ نے اپنے طویل فلمی کیریئر کے دوران دو سو سے زائد فلموں میں کام کیا۔ ندیم اور شبنم کی جوڑی شائقین کی پسندیدہ جوڑی تھی اس رومانوی جوڑی نے کئی سپرہٹ فلمیں دیں۔

ان کی لازوال اور سپرہٹ فلموں میں ’آئنہ، اناڑی، پہچان، لاجواب، قربانی، دہلیز، سہرا کے پھول، جب جب پھول کھلے، زندگی، پلے بوائے و دیگر شامل ہیں۔

دلکش انداز سے لاکھوں دلوں پر راج کرنے والے ندیم بیگ آج بھی شوبز میں کامیابی کے سفر پر گامزن ہیں اور شوبز کے اُفق کا ایک جگمگاتا ہوا ستارہ ہیں-

Leave a reply