fbpx

’ناگن3‘ کے اداکار 5 سالہ بچی کیساتھ جنسی زیادتی کے الزام میں گرفتار

معروف بھارتی ڈرامے ’ناگن3‘ کے مرکزی اداکار پرلوی پوری کو مبینہ طور پر کم عمر لڑکی کے ساتھ جنسی زیادتی کے الزام میں گرفتار کرلیا گیا۔

باغی ٹی وی : انڈین ایکسپریس کے مطابق ٹیلی ویژن اداکار پرل وی پوری کو دو سال قبل کی گئی پانچ سالہ بچی کے ساتھ جنسی زیادتی کے الزام میں ممبئی میں گرفتار کیا گیا ہے بچی والد کی جانب سے پوری کے خلاف سن 2019 میں مقدمہ درج کیا گیا تھا۔

ویلیو پولیس کے مطابق ، متاثرہ لڑکی کے والد نے 2019 میں الزام لگایا تھا کہ اس کی بیٹی کے ساتھ جنسی زیادتی کی گئی ہے۔ تفتیش شروع ہونے کے وقت ملزم کی شناخت ظاہر نہیں ہوسکی تھی۔

ڈپٹی کمشنر (ڈی سی پی) سنجے پاٹل نے بتایا کہ متاثرہ لڑکی نے حال ہی میں ملزم کی شناخت کی تھی ، اور بیان ریکارڈ کرنے کے بعد ملزم کو جمعہ کی شب گرفتار کرلیا گیا ہے۔ ملزم کی شناخت کے بعد ، ہم نے اسے مزید تفتیش کے لئے تحویل میں لے لیا ہے-

انہوں نے مزید کہا کہ ملزم کو آج بعد میں عدالت میں پیش کیا جائے گا۔

ملزم پر تعزیرات ہند کی دفعہ 376 اے بی (12 سال سے کم عمر کی عورت پر عصمت دری کی سزا) ، اور بچوں سے جنسی جرائم سے متعلق تحفظات (پی او سی ایس او) ایکٹ کے تحت 2012 دفع 4 ، 8 ، 12 ، 19 اور 21 کے تحت مقدمہ درج کیا گیا ہے۔

میڈیا رپورٹ کے مطابق اداکار پرل وی پوری کے علاوہ دیگر پانچ افراد پر لڑکی نے الزام لگایا کہ اداکار نے ان کے ساتھ چھیڑ چھاڑ کی اور انہیں جنسی زیادتی کا نشانہ بنایا۔ ممبئی کے علاقے مالاڈ میں مالوانی پولیس نے اداکار سمیت 6 افراد کے خلاف عصمت دری کا مقدمہ درج کیا ہے۔

متاثرہ لڑکی نے پولیس کو بیان دیتے ہوئے کہا ہے کہ ابتدا میں اسے ایک کار میں زیادتی کا نشانہ بنایا گیا اور پھر اس کیس میں ملوث ملزمان نے اسے بار بار زیادتی کا نشانہ بنایا۔ پولیس نے تمام ملزمان کو تحویل میں لے کر تفتیش شروع کردی ہے۔

اداکار پرل وی پوری کو متاثرہ لڑکی اور اس کے گھر والوں کی جانب سے شکایت درج کیے جانے کے بعدگرفتار کیا گیا ہے۔ مبینہ طور پر زیادتی کا شکار ہونے والی لڑکی کی شناخت میڈیا پر ظاہر نہیں کی گئی ہے۔

واضح رہے کہ اداکار پرل وی پوری نے 2013 میں اداکاری کے شعبے میں قدم رکھا تھا۔ انہوں نے کئی ڈراموں اور میوزک ویڈیوز میں کام کیا ہے تاہم انہیں ڈراما سیریل ’’ناگن3‘‘ میں کام کرنے سے بے حد مقبولیت ملی۔

فائیوجی ٹیکنالوجی کیخلاف مقدمہ،عدالت نے جوہی چاولہ کو 20لاکھ روپے جرمانہ عائد کر دیا

جواب چھوڑیں

آپ کا ای میل ایڈریس شائع نہیں کیا جائے گا.