سیالکوٹ (باغی ٹی وی سٹی رپورٹر مدثر رتو) کوٹلی لوہاراں کے علاقے مغربی محلہ بلووال روڈ پر کھڑی ایک کار سے مرد و خاتون کی برہنہ لاشیں برآمد ہونے سے علاقے میں خوف و ہراس پھیل گیا۔ اطلاع ملتے ہی مقامی ایس ایچ او پولیس نفری کے ہمراہ موقع پر پہنچ گئے جبکہ فرانزک ٹیم نے جائے وقوعہ سے شواہد اکٹھے کر لیے ہیں۔
پولیس کے مطابق مشتبہ گاڑی سوزوکی سوفٹ (برنگ گرے) ہے جس کا نمبر LHA 8348 ہے۔ دونوں لاشیں کار کی پچھلی سیٹ سے برآمد ہوئیں۔ ابتدائی اطلاعات کے مطابق ایک لاش مرد جبکہ دوسری عورت کی ہے، تاہم تاحال ان کی شناخت نہیں ہو سکی۔
پولیس کا کہنا ہے کہ واقعے کی مختلف پہلوؤں سے تفتیش جاری ہے اور شواہد کی روشنی میں جلد حقائق سامنے لائے جائیں گے۔ واقعے کی نوعیت اور محرکات جاننے کے لیے فرانزک رپورٹس کا انتظار کیا جا رہا ہے، جبکہ نعشوں کو پوسٹ مارٹم کے لیے مقامی ہسپتال منتقل کر دیا گیا ہے۔
علاقہ مکینوں نے واقعے پر تشویش کا اظہار کرتے ہوئے مطالبہ کیا ہے کہ اصل حقائق جلد سامنے لائے جائیں اور اگر یہ قتل کا واقعہ ہے تو ذمہ داروں کو کیفرِ کردار تک پہنچایا جائے۔
