ناموس رسالت پر جان بھی قربان ، صحافی برادری نے فرانس سے سفارتی تعلقات ختم کرنے کا مطالبہ کر دیا

اسلام آباد(باغی ٹی وی )صحافیوں کی ملک گیر مختلف تنظیموں نے حکومت سے مطالبہ کیا ہے کہ فرانس سے فی الفور سفارتی تعلقات ختم کرتے ہوئے فرانسیسی سفیر کو ملک بدر کیا جائے گزشتہ روز میڈیا کی تنظیموں پی ایف یو جے۔آر آئی یو جے ۔ایپنک اور ایم ڈبلیو اونے فرانسیسی صدر کے پیغمبر اعظم صلی اللہ علیہ وآلہ وسلم سے متعلق گستاخانہ الفاظ اور گستاخانہ خاکوں کے حوالے سے نیشنل پریس کلب اسلام آباد کے سامنے احتجاجی مظاہرہ کیا

جس میں تمام صحافتی تنظیموں اور مختلف شعبہ ہائے زندگی سے تعلق رکھنے والے افراد نے شرکت کی اس موقع پر فرانسیسی صدر کے خلاف شدید نعرہ بازی کی گئی مظاہرین نے پلے کارڈز اور بینرز اٹھائے ہوئے تھے جس پر فرانسیسی۔ مصنوعات کے بائیکاٹ کی اپیل کی گئی تھی

مظاہرے سے آر آئی یو جے کے جنرل سیکرٹری اور چیئرمین ایپنک محمد صدیق انظر ۔شبیر مغل۔ملک زبیر۔APRNS کے صدر جی ایم جٹ۔مدثر الیاس۔صدیق قریشی۔اورجے یو آئی جنرل سیکرٹری لوکل علامہ عامر شہزاد اور۔نعیم سندھونے خطاب کیا مظاہرے میں خواتین نے بھی بھرپور شرکت کی مقررین نے حکومت کو الٹی میٹم دیا کہ اگرایک ہفتے کے اندر فرانس سے سفارتی تعلقات ختم نہ کئے گئے تو حالات کی تمام تر زمہ داری حکومت پر عائد ہوگی انہوں نے کہا کہ عشق رسالت کا تقاضہ ہے کہ ناموس رسالت پر آنے والی آنچ کو روکنے کے لئے اگر جان کی بازی لگانا پڑے تو یہ گھاٹے کا سودا نہیں ہےانہوں نے دیگر اسلامی ممالک سے بھی مطالبہ کیا کہ فرانس سے تعلقات فوری ختم کئے جائیں

جواب چھوڑیں

آپ کا ای میل ایڈریس شائع نہیں کیا جائے گا.