ننکانہ:بھینسوں کو نہلاتے ہوئے 14 سالہ لڑکانہر میں ڈوب کر جاں بحق

ننکانہ صاحب (باغی ٹی وی،نامہ نگاراحسان اللہ ایار) واربرٹن روڈ منڈی ڈوگراں کیو بی لنک نہر میں بھینسوں کو نہلاتے ہوئے ایک دلخراش حادثہ پیش آیا ہے جس میں 14 سالہ اسامہ نواز نامی لڑکاڈوب گیا۔

واقعے کی اطلاع ملتے ہی ریسکیو 1122 کا عملہ فوری طور پر موقع پر پہنچا اور واٹر ریسکیو ٹیموں نے بچے کو تلاش کرنے کا آپریشن شروع کر دیا۔ کئی گھنٹوں کی کوشش کے بعد ریسکیو ٹیموں نے بچے کی لاش ہیڈ تولے کے قریب سے برآمد کر لی۔

ڈسٹرکٹ ایمرجنسی آفیسر نے خود اس آپریشن کی نگرانی کی۔ تمام قانونی کارروائی مکمل کرنے کے بعد لاش کو لواحقین کے حوالے کر دیا گیا۔