fbpx

نارووال میں ٹائیفائیڈ آگاھی سیمینار کا انعقاد

نارووال ڈاکٹر خالد چیف ایگزیکٹو آفیسر ھیلتھ کی ھدایت پر ڈاکٹر طارق ڈی ایچ او کی زیرنگرانی تحصیل ظفروال میں رورل ھیلتھ سنٹر میں ایک ٹائیفائیڈ آگاھی سیمینار کا اھتمام کیا گیا۔ جس میں تحصیل ظفروال کے ڈاکٹرز کی کثیرتعداد نے شرکت کی۔اس موقع پر ڈاکٹر آصف ڈپٹی ڈسٹرکٹ ھیلتھ آفیسر اور ڈاکٹر طارق ڈی ایچ او نے بتایا کہ ٹائیفائید مہم 14 جون سے شروع ھوکر 26 جون کو اختتام پذیر ھوگی جس میں یونین کونسل ظفروال کے 9 ماہ تا 15 سال تک کے تنام بچوں کو ٹائیفائیڈ سے بچاو کے ٹیکے لگائے جائیں گے۔

شہری آبادی کے لئے رورل ھیلتھ سنٹر، سکولز،مدارس اور یونین کونسل کی سطح پر کٹ سٹیشن لگائے جائیں گے۔یاد رھے پولیو کی طرح یہ مہم گھر گھر نہی ھوگی تمام بچوں کو مخصوص کٹ سٹیشن پر ٹائیفائید سے بچاو کے ٹیکے لگائے جائیں گے۔ مقررین نے خطاب کرتے ھوئے کہا کہ ٹائیفائیڈ ویکسین مفید ھے اور اس کی۔ایک خوراک بچے کو ٹائیفائیڈ سے محفوظ بناتی ھے۔ عوام سے التماس ھے کہ اپنے بچوں کی صحت کا خیال رکھیں اور ان کو لازمی ویکسینیٹ کروائیں۔

محمد عارف راشد باغی ٹی وی نارووال

جواب چھوڑیں

آپ کا ای میل ایڈریس شائع نہیں کیا جائے گا.