معروف گلوکارہ نصیبو لال پر شوہر کا تشدد،پولیس نے مقدمہ درج کر لیا
شاہدرہ ٹاؤن پولیس نے گلوکارہ کی درخواست پر خاوند کیخلاف مقدمہ درج کرلیا،درج مقدمے میں کہا گیا ہے کہ گھر کے صحن میں بیٹھی ہوئی تھی اور اسی دوران میرا خاوند نوید حسین گھر آیا،خاوندنےآتےساتھ ہی گالم گلوچ ہوگیا،خاوند نے قریب پڑی ہوئی اینٹ اٹھاکرچہرےپرماردی،اینٹ لگنے سے چہرے کی بائیں سائیڈ اور ناک پر شدید چوٹ آئی،خاوند اکثر اوقات مجھ سے لڑائی جھگڑا کرتا ہے ،
علی پارک، گڑوی محلہ کی رہائشی خاتون اداکارہ نصیبو لال نے تھانہ شاہدرہ ٹاؤن میں درخواست دائر کی، جس میں مؤقف اختیار کیا کہ اس کے شوہر نوید حسین نے گھریلو تنازع کے دوران اس پر اینٹ سے حملہ کیا، جس سے اس کے چہرے اور ناک پر شدید چوٹیں آئیں۔متاثرہ خاتون کے بیان کے مطابق، واقعہ 14 مارچ 2025 کی شام تقریباً 5 بجے پیش آیا جب وہ اپنے گھر کے صحن میں بیٹھی تھی۔ اس دوران اس کا شوہر نوید حسین گھر آیا اور بلا وجہ گالم گلوچ شروع کر دی۔ اسی دوران ملزم نے قریب پڑی اینٹ اٹھا کر نصیبوں لال کے چہرے پر ماری، جس سے وہ زخمی ہو گئی۔ خاتون کے مطابق، اس کا شوہر اکثر اس کے ساتھ جھگڑا کرتا تھا، مگر اس بار تشدد کی شدت زیادہ تھی۔متاثرہ خاتون کی درخواست پر فوری کارروائی کرتے ہوئے پولیس نے مقدمہ نمبر 249/25 درج کر لیا۔ ابتدائی اطلاعات کے مطابق، کیس دفعہ 354 تعزیرات پاکستان کے تحت درج کیا گیا ہے۔ مقدمہ درج ہونے کے بعد مزید قانونی کارروائی کے لیے انوسٹی گیشن ونگ کو منتقل کر دیا گیا ہے۔
تفتیشی افسر محمد خالد کے مطابق، واقعے کی اطلاع ملتے ہی پولیس موقع پر پہنچی اور متاثرہ خاتون کا بیان قلمبند کیا۔ پولیس رپورٹ میں جائے وقوعہ کا فاصلہ تھانے سے تقریباً ڈیڑھ کلومیٹر شمال مشرق کی جانب بتایا گیا ہے۔ پولیس کے مطابق، ابتدائی شواہد کی روشنی میں قانونی کارروائی کا آغاز کر دیا گیا ہے۔تفتیشی حکام کے مطابق، مقدمہ کی مزید تحقیقات جاری ہیں اور خاتون کا میڈیکل معائنہ بھی کروایا جائے گا تاکہ زخمی ہونے کی تصدیق ہو سکے۔ پولیس کا کہنا ہے کہ ملزم کو جلد گرفتار کر کے عدالت میں پیش کیا جائے گا۔شاہدرہ ٹاؤن پولیس کے مطابق، کسی بھی قسم کی گھریلو تشدد کی شکایات پر فوری کارروائی کی جاتی ہے اور خواتین کے تحفظ کے لیے ہر ممکن اقدامات کیے جا رہے ہیں۔
