ویڈیو سکینڈل :ناصر بٹ کے گھر پر ایف آئی اے کا چھاپہ

جج ارشد ملک وڈیو سکینڈل کے مرکزی کردار ناصر بٹ کے گھر پر ایف ائی اے کا چھاپہ، ملزم اپنےگھر پرنہیں‌تھا.

وڈیو سکینڈل کے مرکزی کردار ناصر بٹ کے گھر پر ایف آئی اے نے چھاپہ مارا مگر ناصر بٹ نہ ملا ،ناصر بٹ کے راوالپنڈی ڈھوک رتہ ڈیرے پر چھاپہ مارا گیا ملزم کا چھوٹا بھائی عبداللہ بٹ بھی گھر سے غائب تھا، ایف آئی اے کو ناصر بٹ کے غیر ملکی سفر کی تفصیلات کا بھی پتا لگالیاگیا ہے ، ناصر بٹ کے پاکستان اور لندن کے دونوں نمبر بند جارہے تھے.

خیال رہے کہ ناصر بٹ نواز شریف کی لندن موجود گی پر تمام انتظامات کا ذمہ دار رہے، برطانوی شہریت کا حامل ناصر بٹ قتل کی وارداتوں کے بعد برطانیہ فرار ہوا، ن لیگ دور میں ناصر بٹ کو لندن سے واپس بلایا گیا اور ان کے خلاف مقدمات نمٹائے جاتے رہے۔

واضح رہے کہ مریم نواز کی جانب سے جاری کردہ احتساب عدالت کے جج ارشد ملک کی مبینہ ویڈیو میں کہا گیا تھا کہ نواز شریف کے ساتھ زیادتی اور نا انصافی ہوئی۔ یہ مبینہ ویڈیو جج ارشد ملک اور ناصر بٹ نامی شخص کی ہے۔