چیئرمین پی ٹی آئی عمران خان کی زیرصدارت اجلاس ہوا
اجلاس میں ملکی مجموعی سیاسی اورمعاشی صورتحال پر تبادلہ خیال کیا گیا،ملک میں سر اٹھاتی دہشتگردی کے واقعات پر تشویش کا اظہار کیا گیا،معاشی ٹیم نے آٹے کی قیمتوں میں اضافے کے عوام پر اثرات پر بریفنگ دی، معیشت کے بعد دہشتگردی سے نمٹنے میں حکومت کی ناکامی پر شدید ردعمل کا اظہارکیا گیا،
عمران خان نے اجلاس سے خطاب کرتے ہوئے کہا کہ کرپٹ، بددیانت اور نااہل ٹولہ معیشت کا جنازہ نکال چکا، حکومت عوام کے جان و مال کے تحفظ میں بری طرح ناکام ہوگئی 8 ماہ پہلے تک ملک معاشی طور مستحکم اوردہشتگری عملاً ختم ہوچکی تھی،ملک میں دہشتگردی کے واقعات میں 52 فیصد اضافہ ہوا ہے،ہماری حکومت نے ملک کو دہشتگردی سے نکال کر سیاحت کا مرکز بنایا،نااہل ٹولے کو معیشت و ملکی سلامتی سے کھیلنے کیلئے اقتدار سونپ دیا گیا،بیرونی اشاروں پر آنے والی حکومت کے نتائج سے پہلے خبردار کیا تھا،
عمران خان نے الیکشن کے لئے حکومت کے سامنے مزاکرات کی جھولی پھیلائی ہے
الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو
خواجہ سعد رفیق نے کہا ہے کہ ہم صرف کاغذوں میں آزاد ہوئے ہیں
دوسری جانب تحریک انصاف کے مرکزی رہنما ، فوکل پرسن فوڈ سکیورٹی و خصوصی اقدامات جمشید اقبال چیمہ نے کہا ہے کہ گزشتہ سال کے مقابلے میں مہنگائی کی شرح 28 فیصد سے تجاوز کرچکی ہے،عوام کے لیے موجودہ حالات میں خوراک پوری کرنا ناممکن ہوتا جا رہا ہے،موجودہ حکومت میں گردشی قرضوں میں مسلسل اضافہ ہو رہا ہے اورصرف 5 ماہ میں گردشی قرضوں میں 500ارب کا مزید اضافہ ہو چکا ہے۔ سوال یہ ہے کہ تجربہ کاروں کے تجربے کی سزا عوام کیوں بھگتیں؟،اس لئے انہیں اپنی ناکامی پر قوم سے معافی مانگتے ہوئے عام انتخابات کا اعلان کر دینا چاہیے ۔
