نعمان اعجاز کی بیٹے کے ساتھ گلوکاری کرنے کی ویڈیو وائرل

پاکستان ڈرامہ انڈسٹری کے سینئر اداکار نعمان اعجاز کے بیٹے ریان نعمان کی گلوکاری کرتے ویڈیو سوشل میڈیا پر وائرل ہوگئی ہے۔

باغی ٹی وی :سوشل میڈیا ویب سائٹ انسٹاگرام پر ایک ویڈیو وائرل ہو رہی ہے جس میں نعمان اعجاز کے بیٹے ریان نعمان گلوکارہ مومنہ مستحسن اور گلوکار بلال سعید کا مقبول ترین گانا ’باری‘ گنگاتے نظر آرہے ہیں جبکہ ویڈیو میں نعمان اعجاز اپنے بیٹے کا ساتھ دیتے ہوئے کُرسی کی مدد سے طبلہ بجا رہے ہیں۔

نعمان اعجاز اور اُن کے بیٹے کی ویڈیو سوشل میڈیا پر وائرل ہونے کے بعد صارفین نے ملے جلے ردعمل کا اظہار کیا زیادہ تر صارفین نے طبلہ بجانے پر اداکار کی تعریف کی تو وہیں کچھ صارفین ریان نعمان کی گائیکی کو تنقید کا نشانہ بنایا-

ویڈیو پر تبصرہ کرتے ہوئے ایک صارف نے لکھا کہ کہاداکار نے طبلہ بہت اچھا بجایا ہے جبکہ ایک صارف نے ناپسندیدگی کا اظہار کرتے ہوئے لکھا کہ ایسا گا کر بھی اپ لوڈ کرنا، واہ کافی پُراعتماد نظر آرہے ہیں۔

دوسری جانب صارفین نے ویڈیو کو باپ اور بیٹے کا محبت بھرا رشتہ قرار دیتے ہوئے لکھا کہ یہ ویڈیو ان کی آواز سے متعلق نہیں بلکہ یہ بیٹے اور باپ کے تعلقات کی عکاسی کرتی ہے جبکہ کچھ صارفین نے ریان نعمان کے گانے کے انداز کو تنقید اور مزاح کانشانہ بناتے ہوئے ان کے گانے کے انداز کو ابنارمل قرار دیا-

جبکہ کچھ صارفین نے کہا کہ ریان نعمان لپ سنگ کر رہے ہیں خود نہیں گا رہے-
https://www.instagram.com/p/CGX4uFPlDeP/?igshid=1g9i33o1acp8o