پاکستان ڈرامہ انڈسٹری کے معروف اور سینیئر اداکار نعمان اعجاز نے انسٹاگرام اکاؤنٹ ہیک اور معطل ہونے کے بعد انسٹاگرام پر نیا اکاؤنٹ بنالیا۔
باغی ٹی وی :گزشتہ روز اداکار نعمان اعجاز نے اپنی ٹوئٹ میں مداحوں کو آگاہ کیا تھا کہ ان کا انسٹاگرام اکاؤنٹ ہیک کرلیا گیا ہے اس لیے وہ ان کے اکاؤنٹ کی جانب سے کسی بھی نامناسب پیغام ملنے یا مواد شیئر ہونے کے حوالے سے باخبر رہیں۔
اداکار نے اپنی ٹوئٹ میں اپنے چاہنے والوں سے اپیل کی کہ وہ ان کے انسٹاگرام اکاؤنٹ کو ڈی ایکٹو کروانے کے لیے انسٹاگرام انتظامیہ کو رپورٹ کریں۔
انہوں نے چاہنے والوں کے لئے نیک خواہشات کا اظہار کرتے ہوئے کہا کہ وہ جلد ہی نئے اکاؤنٹ کے ساتھ واپس لوٹیں گے-
انسٹاگرام اکاؤنٹ ہیک ہونے کی ٹوئٹ کے بعد نعمان اعجاز نے اپنی دوسری ٹوئٹ میں مختصر ویڈیو بھی جاری کی تھی اور بتایا تھا کہ وہ اس وقت ملک سے دور کینیڈا میں موجود ہیں۔
اور اب اداکار نعمان اعجاز نے naumaanijazofficial1 کے نام سے انسٹاگرام پر اپنا نیا اکاؤنٹ بنالیا ہے۔
انسٹاگرام پر نیا اکاؤنٹ بنانے کی اطلاع اداکار نے سماجی رابطے کی ویب سائٹ ٹوئٹر پر کی گئی ایک ٹوئٹ میں دی۔
Chalo aik bar phir se shuru kertay haeen.
Forget the mistake
Remember the lesson ….
Ye he ha zindagi . https://t.co/8nB6p98Q9D— Naumaan Ijaz (@ijaz_naumaan) October 24, 2020
نعمان اعجاز نے اپنے نئے انسٹاگرام اکاؤنٹ پر کی گئی پہلی پوسٹ میں اپنی تصویر شیئر کی جس میں اداکار قہقہہ لگانے کے اندازمیں ہنس رہے ہیں تصویر شئیر کرت ہوئے اداکار نے لکھا کہ چلو ایک بار پھر سے شروع کرتے ہیں۔
https://www.instagram.com/p/CGvCk5jhgRx/?utm_source=ig_embed
انہوں نے اپنی پوسٹ میں مزید لکھا کہ غلطی کو بھول جائیں سبق یاد رکھیں یہ ہے زندگی۔
واضح رہے کہ ہ نعمان اعجاز قبل بھی متعدد شوبز، کھیل اور سیاست سے وابستہ شخصیا کے سوشل میڈیا اکاؤنٹس ہیک ہوچکے ہیں۔