راولپنڈی و اسلام آباد روزنامہ نوائےوقت قارئین تک نہ پہنچ سکا ،وجہ سامنے آگئی.

0
56

اسلام آباد:پاکستان کا سب سے مقبول ترین اخبار روزنامہ نوائے وقت کا آج کا ایڈیشن راولپنڈی و اسلام آباد کے قارئین تک نہ پہنچ سکا.باغی ٹی وی کوموصول اطلاعات کے مطابق آج 17 ستمبر کا روزنامہ نوائے وقت شائع ہوالیکن قارئین تک نا پہنچ سکا کیونکہ نوائے وقت آفس اسلام آباد کے باہر نوائے وقت ورکرز کو تنخواہیں نا ملنے پر صحافتی تنظیموں کا صدرپریس کلب شکیل قرار کی قیادت میں احتجاج جاری تھا ،جس کے نتیجہ میں ورکرز اور احتجاج کرنے والے ورکرز نے نوائے وقت اخبار کو دفتر سے باہر نا نکلنے نا دیا .تفصیلات کے مطابق ایڈیٹر رمیزہ مجید نظامی نے اسلام آباد پولیس سے اس سلسلہ میں رابطہ کیا لیکن صحافیوں کے آگے وہ بھی کچھ نا کرسکی .اسلام آباد پریس کلب کے ممبر نے باغی ٹی وی کو بتایا کہ جہاں تک مجھے نظر آرہاہے نوائے وقت کے ان ورکرز کو اگر اب بھی تنخواہ نا دی گئی تو یہ اخبار یہاں سے مستقل نکلنا بندہوجائے گا .اس حوالے سے سینئر صحافی جبار مرزا نے کہاکہ اسلام آباد میں آج روزنامہ نوائے وقت شائع نا ہوسکا ،یہ آزادی کشمیر کا علمبردار ،پاکستان کا نظریاتی اخبار ،قائد اعظم کے ہمدم دیرینہ جناب حمیدنظامی صاحب کی شبانہ روز محنت کا ثمر ،سازش کے تحت دیوار سے لگادیا گیاانہوں نے کہا کہ ہم نے ہمیشہ نوائے وقت سے رہنمائی لی.یادرہے نوائے وقت کا آغاز 23 مارچ 1940 کو ہوا۔ پہلے یہ ہفت روزہ تھا بعد میں روزنامہ میں تبدیل ہو گیا۔ اخبار کی بنیاد حمید نظامی نے رکھی ،ان کی وفات کےبعد ان کےبھائی مجید نظامی مرحوم اس کو سنبھالتے رہے . 26 جولائی، 2014 کو ان کی وفات کے بعد نوائے وقت ان کی لے پالک بیٹی رمیزہ مجید نظامی کے ہاتھوں میں منتقل ہوگیا اور ان کے آنے کے بعد نوائے وقت کے حقیقی ورثاء کو نوائے وقت سے نکال دیا گیا .اس دن سے نوائے وقت زوال کا شکار ہورہا ہے

Leave a reply