باغی ٹی وی کی رپورٹ کے مطابقسعودی عرب نے نواز شریف کو دورہ کی دعوت دی نہ ٹیلیفون پر بات ہوئی، اہم انکشاف سامنے آ گیا
سعودی عرب کی جانب سے سابق وزیراعظم نواز شریف کو سعودی عرب کی دعوت نہیں ملی ، باخبر ذرائع کے مطابق سعودی حکام کی جانب سے سابق وزیراعظم نواز شریف کے ساتھ حالیہ دنوں میں کسی قسم کا رابطہ نہیں ہوا اور نہ ہی سعودی عرب نے نواز شریف کو دورہ سعودی عرب کی دعوت دی ہے
سعودی فرمانروا اور سعودی ولی عہد کی جانب سے سابق وزیراعظم نواز شریف کو کسی طرح کے دورے کی دعوت نہیں دی گئی ،باخبر ذرائع کے مطابق نواز شریف کا سعودی عرب کا کوئی دورہ شیڈول نہیں ہے، اگر نواز شریف عمرہ کی ادائیگی کے لئے سعودی عرب جاتے بھی ہیں تو سعودی حکام کے ساتھ انکی کسی قسم کی ملاقات نہیں ہو گی،
وزیر خارجہ کا سعودی عرب بارے بیان،شہباز شریف نے بڑا مطالبہ کر دیا
برف پگھلنے لگی، سعودی سفیر کی وزیر خارجہ سے ملاقات، سعودی اہم شخصیت کا دورہ پاکستان متوقع
وفاقی وزیر دفاع پرویز خٹک سے سعودی سفیر کی ملاقات،کیا ہوئی بات؟
سعودی سفیر اچانک وزیر خارجہ کو ملنے پہنچ گئے
دوسری جانب پاکستان میں سعودی حکام کے قریب ترین سمجھے جانے والی اہم شخصیت نے بھی اس کی تردید کی ہے،وزیراعظم عمران خان کے معاون خصوصی علامہ طاہر محمود اشرفی نے باغی ٹی وی سے گفتگو کرتے ہوئے اس بات کا انکار کیا کہ نواز شریف کو سعودی عرب کی جانب سے حالیہ دنوں میں کوئی دعوت دی گئی ہے ،علامہ طاہر اشرفی سعودی فرمانروا کے قریب ترین تصور کئے جاتے ہیں، سعودی قیادت کے ساتھ انکے اچھے تعلقات ہیں،
اسلام آباد سے ایک ذرائع نے باغی ٹی وی کو بتایا کہ نواز شریف کو سعودی عرب کی جانب سے دعوت کی خبروں کے بعد پاکستان میں سعودی عرب کے سفیر نواف بن سعید المالکی خود گزشتہ روز وزیراعظم عمران خان کو ملے ہیں اور انہوں نے وزیراعظم عمران خان کو یقین دہانی کروائی ہے کہ سعودی حکام کی جانب سے نواز شریف کو کسی دورے کی دعوت نہیں دی گئی
سعودی عرب کی جانب سے وزیراعظم عمران خان کو پیغام دیا گیا ہے کہ سعودی عرب نے بھی کرپٹ عناصر کے خلاف کاروائی کی اور کرپشن کا خاتمے کے لئے سزائیں دیں، کرپشن کے خاتمے کے لئے پاکستان قانونی طور پر جو کر رہا ہے اس میں سعودی عرب کسی قسم کی مداخلت نہیں کرے گا
