نواز شریف کو سزا سنانے والے جج کی نماز جنازہ ادا

نواز شریف کو سزا سنانے والے جج کی نماز جنازہ ادا

باغی ٹی وی کی رپورٹ مطابق احتساب عدالت کے سابق جج ارشد ملک کی نماز جنازہ ادا کر دی گئی

نماز جنازہ میں عوام کی بڑی تعداد شریک ہوئی ۔ جنازے کے بعد آبائی گاؤں کے قبرستان میں تدفین کا عمل جاری ہے

سابق جج ارشد ملک کی نماز جنازہ ادا کر دی گئی#baaghitv #pakistan #ArshadMalik pic.twitter.com/qlBlYx7PoH

— Baaghi TV باغی ٹی وی (@BaaghiTV) December 5, 2020

سابق جج ارشد ملک کا گزشتہ روز اسلام آباد کے نجی ہسپتال میں انتقال ہوا تھا،سابق جج ارشد ملک کئی دنوں سے بیمار اور نجی ہسپتال میں زیر علاج تھے ۔

واضح رہے کہ جج ارشد ملک نے دسمبر 2018 میں سابق وزیر اعظم نواز شریف کو العزیزیہ سٹیل مل کے مقدمے میں سات سال قید کی سزا سنائی تھی، اس فیصلے کے بعد مریم نواز نے ان کی ایک مبینہ ویڈیو جاری کی تھی جس میں انھیں کہتے ہوئے سنا گیا کہ سابق وزیر اعظم نواز شریف کو العزیزیہ سٹیل ملز کے مقدمے میں سزا دینے کے لیے ان پر دباؤ تھا۔ اس معاملے کے سامنے آنے کے بعد اسلام آباد ہائی کورٹ کے چیف جسٹس اطہر من اللہ نے ارشد ملک کو ان کے مس کنڈکٹ کی وجہ سے احتساب عدالت کے جج کے طور پر کام کرنے سے روکتے ہوئے لاہور ہائی کورٹ رپورٹ کرنے کا حکم دیا تھا، ارشد ملک ڈیپوٹیشن پر اسلام آباد میں تعینات ہوئے اور وہ لاہور ہائی کورٹ کے ہی ماتحت تھے۔

جج ویڈیو کیس میں ارشد ملک نے 3 اکتوبرکو برطرفی کو پنجاب سب آرڈی نیٹ جوڈشری سروس ٹریبونل میں چیلنج کردیا تھا،درخواست میں لاہور ہائیکورٹ کی انتظامی کمیٹی کے فیصلے کو چیلنچ کیا گیا،انتظامی کمیٹی کی رپورٹ کی سفارشات پر جج ارشد ملک کو برطرف کیا گیا تھاجج ارشد ملک نے دائر کی گئی درخواست میں استدعا کی کہ مس کنڈکٹ کا مرتکب نہیں ہوا فیصلے پر نظر ثانی کی جائے،

ویڈیو سیکنڈل ناصر جنجوعہ سمیت تین ملزمان کو بری کرنے کا حکم

جج ویڈیو، مریم نواز سمیت سب کو ہو گی دس سال قید،نواز کی سزا میں ہو گا اضافہ

ویڈیو سیکنڈل، ناصر جنجوعہ کے خلاف شواہد نہیں ملے، ایف آئی اے،جج کا کیس سننے سے معذرت

ویڈیو سیکنڈل، ناصر جنجوعہ کے خلاف شواہد نہیں ملے، ایف آئی اے،جج

واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی گئی. احتساب عدالت کے سابق جج ارشد ملک کو لاہور ہائیکورٹ نے او ایس ڈی بنا دیا،او ایس ڈی بنانے کا نوٹفکیشن جاری کر دیا ہے، جج ارشد ملک کو او ایس ڈی بنانے کی منظوری لاہور ہائیکورٹ کے چیف جسٹس نے دیا. سپریم کورٹ کے حکم کے بعد جج ارشد ملک کی خدمات احتساب عدالت سے لاہور ہائیکورٹ کے سپرد کر دی گئی تھیں، بعد ازاں جج ارشد ملک کو برطرف کر دیا گیا تھا

سپریم کورٹ میں کیس کی سماعت کے دوران چیف جسٹس نے کہا تھا کہ ارشد ملک کے کردارسے ججوں کے سرشرم سے جھک گئے ، عجیب جج ہیں فیصلے کے بعد مجرمان کے گھر چلے جاتے ہیں،پھرمجرم کے بیٹے سے ملنے مدینہ منورہ جاتے ہیں،ارشد ملک کے کردارسے متعلق بہت سی باتیں دیکھنے والی ہیں،

سپریم کورٹ نے مزید کہا کہ لاہور ہائیکورٹ جج ارشد ملک کے خلاف کاروائی کرے، جسٹس عمر عطا بندیال نے کہا کہ جنہوں نے کہانی بنائی انہوں نے جان چھڑا لی، چیف جسٹس نے کہا کہ لاہور ہائیکورٹ کاروائی کر سکتی ہے.

چیف جسٹس نے کہا کہ وفاقی حکومت نے ابھی تک ارشد ملک کواپنے پاس کیوں رکھاہے؟ جج ارشدملک کی خدمات فوری واپس کی جائیں،حکومت ارشدملک کوپاس رکھ کرکیاکرناچاہتی ہے؟حکومت ارشدملک کو واپس نہ بھیج کرتحفظ دے رہی ہے

ن لیگ نے مرنے کے بعد بھی ارشد ملک کو نہ چھوڑا،سنئے اہم تجزیہ مبشر لقمان کی زبانی