ای سی ایل سے نام نکالنے کا مشروط معاملہ ، ن لیگ نے کیا جواب دیا؟ اہم خبر

0
33

نواز شریف ضمانت پر ہیں، حکومت کس چیز کی ضمانت مانگ رہی ہے؟ ن لیگ

باغی ٹی وی کی رپورٹ کے مطابق مسلم لیگ ن کے ذرائع نے سابق وزیراعظم  کا نام ای سی ایل سے نکالنے کے حوالہ سے کہا ہے کہ عدالت نے نواز شریف کو 8 ہفتے کی ضمانت دی ہے، حکومت کس بات کی تاریخ اور ضمانت مانگ رہی ہے،نواز شریف کی ضمانت کے مچلکے عدالت میں جمع کروائے گئے ہیں، نواز شریف ضمانت پر رہا ہیں، آٹھ ہفتے کی ضمانت عدالت نے دی، نواز شریف کی واپسی کے بارے میں ابھی کچھ نہیں بتایا جا سکتا، جب علاج شروع ہو گا تو واپسی کا پتہ چلے گا.

ن لیگ کے ذرائع کا کہنا ہے کہ سابق وزیراعظم نواز شریف کے وکلا ذیلی کمیٹی برائے کابینہ کو دوبارہ جواب دیں گے۔ اگر معاملہ ساڑھے نو بجے حل ہو جاتا ہے تونواز شریف کا نام ای سی ایل سے نکال دیا جائے گا۔

وفاقی کابینہ نے نوازشریف کانام ای سی ایل سے نکالنے کے لیےمشروط منظوری دے دی،سابق وزیراعظم نوازشریف کوسیکیورٹی بانڈ جمع کرانا ہوگا، کابینہ کا اجلاس وزیراعظم عمران خان کی زیر صدارت ہوا جس میں نواز شریف کا نام ای سی ایل سے نکالنے کی مشروط منظوری دی گئی، کابینہ اجلاس میں کئی وزرا نے نواز شریف کا نام ای سی ایل سے نکالنے کی مخالفت بھی کی.

نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا

واضح رہے کہ نواز شریف نیب کے پاس جسمانی ریمانڈ پر تھے جب ان کی طبیعت خراب ہوئی اور سروسز ہسپتال منتقل کیا گیا، بعد ازاں لاہورہائیکورٹ نے نواز شریف کی چوھدری شوگر ملز کیس میں ضمانت منظور کی، اسلام آباد ہائیکورٹ نے نواز شریف کی العزیزیہ ریفرنس کیس میں سزا آٹھ ہفتوں کے لئے معطل کی، نواز شریف سروسز سے گھر منتقل ہو چکے ہیں جہاں ان کا علاج جاری ہے، نواز شریف کے بھائی شہباز شریف نے نواز شریف کا نام ای سی ایل سے نکالنے کی درخواست دے رکھی ہے، ابھی تک نام نکالنے کا فیصلہ نہ ہو سکا، نواز شریف کی آج صبح لندن کی ٹکٹ بک تھی جسے منسوخ کروا دیا گیا.

Leave a reply