fbpx

شہازشریف کےبعد نوازشریف کاچوہدری سالک کوٹیلیفون :چوہدری شجاعت کی خیریت دریافت:اچانک رابطےکیوں؟

گجرات :شہازشریف کے بعد نوازشریف کا چوہدری سالک کو ٹیلیفون، چوہدری شجاعت کی خیریت دریافت:اچانک رابطے کیوں؟اطلاعات کے مطابق سابق وزیراعظم اور مسلم لیگ (ن) کے قائد نوازشریف اور ان کی بیٹی مریم نواز نے چوہدری سالک حسین سے فون پررابطہ کیا ہے۔

ذرائع کا کہنا ہےکہ نوازشریف اورمریم نواز نے چوہدری سالک سے ان کے والد چوہدری شجاعت حسین کی خیریت دریافت کی۔اس حوالے سے نواز شریف کا کہنا تھاکہ چوہدری شجاعت حسین وضع داری کی علامت ہیں۔

یہ بھی بتایا جارہا ہے کہ اس موقع پر مریم نواز نے کہا کہ ہم سب ان کی جلد صحت یابی کیلئےدعا گوہیں۔

خیال رہے کہ گزشتہ روز ن لیگ کے صدر شہباز شریف نے بھی چوہدری سالک کو فون کرکے چوہدری شجاعت کی خیریت دریافت کی تھئ۔

دوسری طرف معتبر ذرائع نے دعویٰ‌کیا ہے کہ پہلے شہبازشریف پھرنوازشریف اورمریم نواز کا خریت دریافت کرنا اپنی جگہ مگراس کے پیچھے کچھ اہم معاملات ضرور ہیں

بعض ذرائع نے یہ دعویٰ کیا ہے کہ اس طرح پہلے شریف برادران نے کبھی اس منصوبہ بندی سے ایسا نہیں کیا یہ اچانک برف کیوں پگھلنے لگی ، اس کے پیچھے سیاسی مصلحت ضرور ہے

بعض ذرائع کا کہنا ہے کہ اس کے پیچھے ایک بڑی حکمت ہے جس کا مقصد اداروں سے درگزرکرنے کی درخواست بھی ہے کیوں کہ اس وقت چوہدری برادران سے اہم حلقوں کا مکمل رابطہ ہے اوروہ چوہدری برادران کی عزت بھی کرتے ہیں ، اس لیے خریت دریافت کے ذریعے "ہتھ ہولا رکھن دی درخواست کی جائے گی”

جبکہ یہ بھی خبریں ہیں کہ ہوسکتا ہے کہ شریف برادران کوئی کچھڑی پکانے کے لیے اس موقع سے فائدہ اٹھاتے ہوئے مستقبل قریب میں کوئی کھیل کھیلیں گے جس کے لیے قبل از وقت منصوبہ بندی ضروری ہے