والدہ کی وفات پر نہ آنیوالے نواز شریف کو ہم لائیں گے، یہ اعلان کس نے کر دیا؟

والدہ کی وفات پر نہ آنیوالے نواز شریف کو ہم لائیں گے، یہ اعلان کس نے کر دیا؟
باغی ٹی وی کی رپورٹ کے مطابق وفاقی وزیر داخلہ اعجاز شاہ نے کہا ہے کہ پاکستان کا کرتارپور راہداری کو کھولنا امن کی خواہش کا عکاس ہے، سکھ یاتریوں کو مکمل سہولتیں فراہم کی جا رہی ہیں،

ننکانہ میں میڈیا سے خطاب کرتے ہوئے وزیر داخلہ اعجاز شاہ کا کہنا تھا کہ بھارت کو چاہیے کہ کشمیر میں مظالم بند کر ے ،ہم نے کرتارپور راہداری کوپہلے ہی کھول دیا تھا، ہم یاتریوں کےاستقبال کے لیے تیارتھے، بھارتیوں کو ویزا بھارت نے دینا ہے ، مذہبی رسومات پرکوئی پابندی نہیں لگانی چاہیے، ہم بھائی چارے کی فضا قائم رکھنا چاہتےہیں۔ بھارتی حکومت نےسکھ یاتریوں کومحدود ویزے جاری کیے لیکن پاکستان نے یاتریوں کی تعدادپرکوئی پابندی نہیں لگائی، پاکستان میں اقلیتوں کو مکمل آزادی ہے۔

وزیرداخلہ اعجاز شاہ کا مزید کہنا تھا کہ شہری علاقوں میں کورونا زیادہ پھیل رہا ہے ، کورونا کے پیش نظر وزیراعظم نے جلسے ملتوی کردیے ، سیاسی جلسے ہماری حکومت نہیں کررہی۔ کورونا کی وجہ سے مظفرآباد میں اس وقت لاک ڈاؤن ہے ، پی ڈی ایم کوجلسے کو اجازت نہیں ملی۔وزیراعظم نےکورونا لہر کےباعث تمام جلسے منسوخ کیے ، کورونا سے شرح اموات بڑھ گئی ، ملتان میں اموات کی تعداد زیادہ ہے۔

وزیرداخلہ اعجاز شاہ کا مزید کہنا تھا کہ پی ڈی ایم سیاست چمکانے کی بجائے عوام کا خیال کرے ،آزاد کشمیر میں ن لیگ کی حکومت نے خود لاک ڈاؤن لگا رکھا ہے ، نواز لیگ آزاد کشمیر کی بجائے جلسے ملتان میں کر رہی ہے ۔

وزیرداخلہ اعجاز شاہ کا مزید کہنا تھا کہ سابق وزیراعظم نواز شریف سے متعلق وزیرداخلہ اعجاز شاہ کا کہنا تھا کہ نوازشریف اپنی والدہ کو دفنانے بھی نہیں آئے تو ہمارے کہنے پر کیسے آئیں گے، کوشش کر رہے ہیں کہ نواز شریف کو واپس لائیں،وہ واپس آ کر مقدمات کا سامنا کریں اور ان کو جو سزا ہوئی ہے وہ آ کر جیل میں گزاریں۔