fbpx

آج ملکہ جذبات نیئر سلطانہ کی29 ویں برسی منائی گئی

فلم انڈسٹری کی لیجنڈ اداکارہ ملکہ جذبات نیئر سلطانہ کی29 ویں برسی منائی گئی-

باغی ٹی وی : نیئر سلطانہ 1935ء میں بھارتی شہر علی گڑھ میں پیدا ہوئیں۔ تقسیم ہند کے بعد کراچی اور پھر لاہور منتقل ہوگئیں۔ جہاں ان کی نامور ہدایت کار انور کمال پاشا سے ملاقات ہوئی اور 1955ء میں فلم ’’قاتل ‘‘سے وہ پردہ اسکرین کی زینت بنیں اور نازلی کے فلمی نام سے مشہور ہوئیں-

نیئر سلطانہ رقص کی نسبت اداکاری پر زیادہ دھیان دیتی تھیں ان کی اس خوبی نے انھیں بہت سے لازوال کرداروں کے روپ میں آج بھی زندہ رکھا ہوا ہےلازوال فلموں میں ان کی یادگار پرفارمنس آنے والے فنکاروں کے لیے صدیوں تک مشعل راہ ثابت ہوتی رہے گی۔

نیئر سلطانہ اور درپن کی جوڑی فلمی دنیا کے ساتھ ساتھ ازدواجی زندگی میں بھی سپرہٹ رہی درپن اور نیئر سلطانہ کو سنیما اسکرین کی حسین ترین جوڑی ہونے کا اعزاز حاصل رہا۔

باجی، سہیلی اور گھونگھٹ جیسی فلموں کی ہیروئن نیئر سلطانہ کے کیرئیر کا دوسرا دور کریکٹر ایکٹریس کا تھا جس میں اُنہوں نے خود کو منوایا اور ملکہ جذبات کہلائیں۔

کینسر کے جان لیوا مرض میں مبتلا ہونے کے بعد 27 اکتوبر 1992 میں اس دنیا سے رخصت ہو گئیں تھیں اور اپنے شہور کے پہلو میںسپرد خا ہوئیں-